दोन वर्षांनंतर अभिनेता प्रभास ‘साहो’ या चित्रपटातून प्रेक्षकांच्या भेटीला आला. ३५० कोटी रुपये बजेट, तगडी स्टारकास्ट असूनही हा चित्रपट प्रेक्षकांच्या पसंतीला उतरला नाही. शुक्रवारपासून सोशल मीडियावर ‘साहो’ची जोरदार चर्चा असून नेटकऱ्यांनी त्यावर भन्नाट मीम्ससुद्धा शेअर केले आहेत. हे मीम्स पाहून तुम्हालाही हसू अनावर होईल.

सोशल मीडियावर जरी ‘साहो’साठी संमिश्र प्रतिक्रिया पाहायला मिळत असल्या तरी पहिल्या दिवशी या चित्रपटाने बॉक्स ऑफीसवर बक्कळ कमाई केली आहे. पहिल्या दिवशी जगभरात या चित्रपटाने ६८ कोटी रुपयांचा गल्ला जमवला आहे. हिंदी, तेलुगू, तमिळ अशा तीन भाषांमध्ये ‘साहो’ प्रदर्शित झाला आहे.

Movie Review : असह्य ‘साहो’

‘साहो’ चित्रपटात प्रभास व श्रद्धासोबतच नील नितीन मुकेश, मंदिरा बेदी, जॅकी श्रॉफ यांच्याही महत्त्वपूर्ण भूमिका आहेत. दाक्षिणात्य चित्रपट दिग्दर्शक सुजीतने या चित्रपटाचं दिग्दर्शन केलं आहे.

‘साहो’ने ‘अॅव्हेंजर्स एंडगेम’ व ‘ठग्स ऑफ हिंदोस्तान’ या दोन चित्रपटांना पहिल्या दिवसाच्या कमाईच्या बाबतीत मागे टाकलं आहे. ‘बाहुबली : द कन्क्लुजन’ या चित्रपटाच्या दोन वर्षांनंतर प्रभास प्रेक्षकांच्या भेटीला आला आहे. त्यामुळे या चित्रपटाकडून प्रेक्षकांना फार अपेक्षा आहेत. सोशल मीडियावर ‘साहो’ला संमिश्र प्रतिक्रिया मिळत आहेत.