20 January 2020

News Flash

सेक्रेड गेम्स सिझन टू प्रेक्षकांना भावला नाही, अखेर सैफने दिली कबुली

सैफ अली खान यानेच ही कबुली दिली आहे

सेक्रेड गेम्स या वेब सीरिजचा दुसरा सिझन प्रेक्षकांना भावला नाही. या सिझनकडून प्रेक्षकांना बऱ्याच अपेक्षा होत्या मात्र त्या अपेक्षा पूर्ण होऊ शकल्या नाहीत अशी कबुली आता अभिनेता सैफ अली खान याने दिली आहे. सध्या सैफ अली खान लाल कप्तान या त्याच्या आगामी सिनेमच्या प्रमोशनमध्ये बिझी आहे. मात्र त्याने एका वेबसाईटला दिलेल्या मुलाखतीत सैफने सेक्रेड गेम्सचा सिझन टू लोकांना म्हणावा तेवढा भावला नाही असं सैफने अखेर मान्य केलं आहे.

“सेक्रेड गेम्सच्या पहिल्या सिझनची भट्टी उत्तम जमली होती. सेक्रेड गेम्सच्या पहिल्या सिझनला मिळालेलं यश अभूतपूर्व होतं. दुसरा सिझन मात्र तेवढा यशस्वी झाला नाही. सेक्रेड गेम्स हे नाव या सीरिजला का देण्यात आलं? हा प्रश्न मला पडला होता. मात्र मला ही बाब जाणवली की यामध्ये गुरुजी हे पात्र खूप महत्त्वाचे आहे. मात्र प्रेक्षक सिझन टू पाहताना गुरुजी या पात्राशी स्वतःला कनेक्ट करु शकले नाहीत. त्यामुळे हा सिझन पहिल्या सिझनएवढा यशस्वी झाला नाही” असं सैफने म्हटलं आहे.

सेक्रेड गेम्सचा सिझन वन चांगलाच गाजला होता. यामधली गणेश गायतोंडे, सरताज, काटेकर, कांताबाई, बंटी, ईसा, परुळकर, भोसले ही पात्रं सगळ्यांनाच चांगलीच भावली होती. मात्र दुसऱ्या सिझनमध्ये पहिल्या एवढी मजा आली नाही हे आता सैफ अली खाननेच मान्य केलं आहे. सैफ अली खानने या सीरिजमध्ये सरताज सिंग हे पात्र साकारलं आहे.

 

First Published on October 11, 2019 10:52 pm

Web Title: sacred games season 2 not liked so much by audience says saif ali khan
Next Stories
1 बॉक्स ऑफीसवर भिडणार दोन टकले
2 अतरंगी फॅशनच्या रणवीरला सासरी हमखास पाळावा लागतो ‘हा’ ड्रेसकोड
3 पर्ण पेठेने केलेल्या हटके प्रँक्सने चक्रावला ललित प्रभाकर
Just Now!
X