गेल्या काही काळात पाहायला गेलं तर सेलिब्रिटींपेक्षा त्यांच्या मुलांची म्हणजेच स्टारकिडची चर्चा अधिक पाहायला मिळते. या सर्व स्टारकिड्समध्ये सैफी अली खान आणि करिना कपूर यांचा लाडका लेक 'तैमुर' हा कायमच माध्यमांमध्ये चर्चेचा विषय ठरतो. आपल्या अनोख्या शैलीमुळे कुटुंबासह असंख्य चाहत्यांना भूरळ घालणारा हा छोटा नवाब देखील अभिनयातच करिअर करणार आहे, अशी भविष्यवाणी स्वत: सैफने केली आहे. अमानदा केर्नी आणि जॅकलीन फर्नांडिस यांच्यासोबत केलेल्या एका पॉडकास्ट चॅटमध्ये सैफने तैमुरच्या करिअरवर भाष्य केलं. तो म्हणाला, "माजी आई एक सुप्रसिद्ध अभिनेत्री होती. तिने १६ वर्षीच करिअरची सुरुवात केली होती. आईनं सत्यजित रे यांच्या अनेक चित्रपटांमध्ये काम केलं होतं. शिवाय माझी बहिण, पत्नी, घटस्फोटीत पत्नी, माझी मोठी मुलगी यासर्व अभिनयसृष्टीत कार्यरत आहेत. या पार्श्वभूमीवर तैमुरच्या रक्तातच अभिनय आहे. तो आत्ताच आमचं खूप मनोरंजन करतोय. याचा अर्थ मोठा झाल्यावर तो देखील सिनेसृष्टीतच करिअर करेल असं मला वाटतं." यापूर्वी सैफनं स्पॉटबॉयला दिलेल्या मुलाखतीत देखील तैमुर अभिनेता होणार असं म्हटलं होतं.
