बॉलिवूडचा भाईजान म्हणजेच सलमान खान याचा 'इंशाअल्लाह' हा चित्रपट गेल्या काही दिवसांत सातत्याने चर्चेत आहे. या चित्रपटात आलिया भट्ट आणि सलमान खान प्रमुख भूमिकेत होते. परंतु हा चित्रपटच आता रद्द करण्याचा निर्णय दिग्दर्शक संजय लीला भंन्साळी यांनी घेतला आहे. अभिनेता सलमान खान ५३ व आलिया २६ वर्षांची आहे. त्यामुळे मुख्य कलाकारांच्या वयातील अंतरामुळे हा चित्रपट खुपच चर्चेत होता. तसेच 'इंशाअल्लाह'च्या निमित्ताने आलिया व सलमान पहिल्यांदाच एकत्र काम करताना दिसणार त्यामुळे चाहत्यांमध्ये उत्सुकता होती. मात्र बऱ्याच तर्कवितर्कानंतर अखेर हा चित्रपट गुंडाळण्यात आला. अनेकांच्या मते या चित्रपटात द्याव्या लागणाऱ्या एका किसिंग सीनमुळे सलमानने चित्रपटात काम करण्यास दिला. दरम्यान या चित्रपटाबाबत प्रथमच आलियाने मौन सोडले आहे. "मी संजय लीला भन्साळी आणि सलमान खान यांच्यासोबत काम करण्यास उत्सुक होते. अनेकदा काही गोष्टी अनपेक्षितपणे घडतात. त्या गोष्टींवर आपले नियंत्रण नसते. अनेकदा योग्य पद्धतीने नियोजन केल्यानंतरही गोष्टी ठरवल्याप्रमाणे होत नाहीत. 'इंशाअल्लाह'च्या बाबतीतही हेच झाले. असे आलिया आयफा २०१९ पुरस्कार सोहळ्यात पत्रकारांना दिलेल्या मुलाखतीत म्हणाली.
