‘दबंग ३’ या चित्रपटातून बॉलिवूडमध्ये पदार्पण करणारी अभिनेत्री म्हणजे सई मांजरेकर. ती सोशल मीडियावर प्रचंड सक्रिय असल्याचे दिसते. फोटो आणि व्हिडीओ सोशल मीडियावर शेअर करत सई चाहत्यांच्या संपर्कात राहण्याचा प्रयत्न करते. ‘दबंग ३’ चित्रपटातून प्रकाश झोतात आलेली सलमानची को-स्टार अभिनेत्री सई मांजरेकरचा सध्या एक व्हिडीओ व्हायरल झाला आहे. तिचा हा व्हिडीओ जिममधला आहे.

सईने हा व्हिडिओ तिच्या इन्स्टाग्राम अकाऊंटवर शेअर केला आहे. या व्हिडीओला आतापर्यंत ६१ हजाराहून अधिक लोकांनी लाइक केलं आहे. हा व्हिडिओ शेअर करताना सई म्हणाली की, “माझ्या भावाची आणि एक ट्रेनर असल्याची झलक. तो नेहमीच मला साथ देतो. सेटवर मी काय करते हे पाहण्यासाठी तो कायम पुढे असतो.” पहिल्या व्हिडिओमध्ये सई व्यायाम करत असून दुसऱ्या व्हिडिओमध्ये ती एका इंग्रजी गाण्यावर डान्स करताना दिसत आहे.

दरम्यान, सई मांजरेकर ही बॉलिवूडचे प्रसिद्ध अभिनेते, दिग्दर्शक महेश मांजरेकर यांची मुलगी आहे. सलमान खानसोबत ‘दबंग ३’ या चित्रपटातून तिने बॉलिवूडमध्ये पदार्पण केले. यानंतर सई ‘मांझा’ या अल्बम सॉंगमध्ये दिसली होती. या गाण्यात ती सलमानचा मेहुणा आयुष शर्मासोबत दिसली होती. सलमानच्या ‘अंतिम’ या आगामी चित्रपटात अविका गौरच्या जागी सई असेल अशा चर्चा सुरू झाल्या आहेत. ‘कोईमोई’ने दिलेल्या रिपोर्टनुसार याची माहिती सईचे वडील महेश मांजरेकर यांनी दिली आहे.