सलमान खान आणि लहान मुले हे समीकरण तर त्याच्या चाहत्यांना चांगलेच माहित आहे. नुकताचं त्याच्या छोट्या भाच्यासोबतचा एक व्हिडिओ सोशल मिडीयावर आला आहे.
बहुप्रतिक्षित ‘सुलतान’ हा चित्रपट उद्या सर्वत्र प्रदर्शित होणार आहे. या चित्रपटाची उत्सुकता जितकी सलमानला आहे तितकीच उत्सुकता त्याच्या नातेवाईकांनादेखील आहे. सलमानची लहान बहिण अर्पिताचा पती आयुष शर्मा याने अहिल आणि सलमानचा एक व्हिडिओ ट्विट केला आहे. या ५० सेकंदाच्या व्हिडिओमध्ये छोटा अहिल आपल्या मामाच्या गाण्यांना प्रतिसाद देताना दिसतो. सलमान सुरुवातील ‘मै हू हिरो तेरा हे’ गाणं बोलतो तेव्हा अहिलच्या चेह-यावर असलेलं हसू आपलं लक्ष वेधून घेतं. त्यानंतर ‘सुलतान’च्या टायटल साँगवर या मामा-भाच्याने ताल धरलेलाही यात पाहावयास मिळतो.