बॉलिवूडचा भाईजान सलमान खानचा २७ डिसेंबर रोजी वाढदिवस असतो. सलमानच्या वाढदिवसाची चाहते आतुरतेने वाट पाहत असतात. तसेच तो त्याचा ५५ वा वाढदिवस कसा आणि कुठे साजरा करणार या कडे चाहत्यांचे लक्ष लागले आहे. दरवर्षी सलमान त्याचा वाढदिवस पनवेल येथील फार्म हाऊसवर धूमधडाक्यात साजरा करतो. पण यंदा सलमान त्याचा वाढदिवस साजरा करणार नसल्याचे समोर आले आहे. वाढदिवशी सलमान त्याच्या आगमी चित्रपटाचे चित्रीकरण करणार असल्याच्या चर्चा रंगल्या आहेत. नुकताच 'स्पॉटबॉय'ने दिलेल्या वृत्तानुसार सलमान यंदा वाढदिवस साजरा करणार नाही. सलमानच्या मित्राने दिलेल्या माहितीनुसार, 'असे पहिल्यांदा होणार आहे की सलमान त्याचा वाढदिवस त्याच्या फार्महाऊसवर साजरा करणार नाही. सलमान त्याच्या घरी वाढदिवस साजरा करणार असल्याच्या चर्चा मी ऐकल्या. पण मला जितकी माहिती आहे त्यानुसार सलमान पहिल्यांदाच त्याचा वाढदिवस साजरा करणार नाही.' पुढे तो म्हणाला, 'सलमान त्याचा आगामी चित्रपट अंतिमचे चित्रीकरण सुरु ठेवणार आहे. तो वाढदिवसाच्या दिवशी आणि ३१ डिसेंबर रोजी देखील चित्रीकरण सुरु ठेवणार आहे.' दरवर्षी सलमान मोठ्या थाटामाटत त्याचा वाढदिवस २७ डिसेंबर रोजी पनवेलच्या फार्महाऊसवर साजरा करताना दिसतो. तो तेथे पार्टीचे आयोजन करतो. बॉलिवूडमधील अनेक कलाकार या पार्टीला उपस्थित असल्याचे पाहायला मिळते. पण यंदा सलमान त्याचा वाढदिवस साजरा करणार नसल्याचे समोर आले आहे.