बॉलिवूडचा भाईजान सलमान खान लॉकडाउनच्या काळात आपल्या कुटुंबियांसोबत पनवेलच्या फार्महाऊसवर थांबला आहे. या काळात तो शेतात काम करुन आपलं मन रमवताना दिसत आहे. नुकताच त्याने शेतात काम करतानाचा एक फोटो इन्स्टाग्रामवर शेअर केला आहे. या फोटोमुळे चाहत्यांमध्ये सलमानची पुन्हा एकदा चर्चा सुरु झाली आहे. अवश्य पाहा - सोनू सूद करणार अपघातग्रस्त ४०० मजुरांची मदत; प्रशासनाकडे मागितली माहिती View this post on Instagram Respect to all the farmers . . A post shared by Salman Khan (@beingsalmankhan) on Jul 14, 2020 at 3:42am PDT अवश्य वाचा - आणखी एका कलाकाराची आत्महत्या; २७ व्या वर्षी गोळी घालून संपवलं आयुष्य सलमान सोशल मीडियावर प्रचंड सक्रिय असतो. सोशल मीडियावर व्हायरल होणाऱ्या फोटो, व्हिडीओज, ट्विट्स यांच्या माध्यमातून तो कायम आपल्या चाहत्यांच्या संपर्कात राहातो. यावेळी त्याने देशातील शेतकऱ्यांना सलाम करण्यासाठी एक फोटो पोस्ट केला आहे. या फोटोमध्ये सलमान चिखलाने माखलेला दिसत आहे. "देशातील शेतकऱ्यांना मानाचा मुजरा" अशा आशयाची कॅप्शन त्याने या फोटोवर लिहिली आहे. Daane daane pe likha hota hai khane wale Ka naam. jai jawan ! jai kissan ! pic.twitter.com/07nZAJoTqi — Salman Khan (@BeingSalmanKhan) July 11, 2020 यापूर्वी देखील सलमानने असाच एक फोटो शेअर केला होता. “दाने दाने पे लिखा होता हैं, खाने वाले का नाम. जय जवान, जय किसान”, अशी कॅप्शन त्याने या फोटोवर लिहिली होती. सलमानचे हे फोटो सध्या सोशल मीडियावर तुफान व्हायरल होत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत. सलमान लवकरच 'राधे' या आगामी चित्रपटात झळकणार आहे. या चित्रपटात त्याच्यासोबत दिशा पटानी, रणदीप हुड्डा हे कलाकार मुख्य भूमिका साकारणार आहेत.