सर्वाधिक डबस्मॅश बॉलीवूड गाण्याचा मान सोनम आणि सलमानच्या आगामी ‘प्रेम रतन धन पायो’ चित्रपटातील गाण्याला मिळालेला आहे. या गाण्याला अधिकाधिक पसंतीही मिळतेय. इतकेच नाही तर या गाण्याने बॉलीवूडच्या दिग्गज अभिनेत्री वहिदा रेहमान आणि हेलन यांना ठेका धरण्यास भाग पाडले. या दोन्ही दिग्गज अभिनेत्री आपला पदर हातात घेऊन नृत्य करतानाचे डबस्मॅश सलमानने ट्विट केले आहे.


याआधी, सोनमने तिचे चाहते, मित्रमंडळी, स्टाफ आणि फोलोअर्सनी केलेले डबस्मॅश इन्स्टाग्रामवर प्रसिद्ध केले होते. तसेच, सलमानचा भाऊ अरबाज खान यानेदेखील अमृता अरोरा आणि तिच्या पतीसोबत हा डान्सव्हिडिओ डबस्मॅश केला होता.