स्टार प्रवाहवर ७ डिसेंबरपासून सुरु होणाऱ्या ‘सांग तू आहेस का’ या मालिकेच्या प्रोमोजनी सध्या प्रेक्षकांची उत्सुकता वाढवली आहे. या मालिकेमधून शिवानी रांगोळे एका हटके अंदाजात प्रेक्षकांच्या भेटीला येणार आहे. वैदेही असं तिच्या व्यक्तिरेखेचं नाव असून या लूकसाठी शिवानीने केलेला मेकओव्हर सध्या चर्चेत आहे.

शॉर्ट हेअर आणि शिवानीचा ग्लॅमरस अंदाज लक्ष वेधून घेत आहे. डॉ. बाबासाहेब आंबेडकर मालिकेत शिवानीने साकारलेल्या रमाबाई आंबेडकरांच्या भूमिकेवर प्रेक्षकांनी मनापासून प्रेम केलं. शिवानी रमाबाईंची भूमिका खऱ्या अर्थाने जगली. त्यामुळे नव्या भूमिकेसाठी सज्ज होताना तीने मेकओव्हर करण्याचं ठरवलं.

prakash ambedkar uddhav thackeray sharad pawar
“फुटलेल्या पक्षांनी आपली ताकद पाहून…”, प्रकाश आंबेडकरांचा उद्धव ठाकरे, शरद पवारांना टोला; जागावाटपावर म्हणाले…
readers reaction on loksatta editorial
लोकमानस: बाबा शक्तिशाली झाले त्यात आश्चर्य ते काय?
Amit Satam vs Varsha Gaikwad
“राहुल गांधी कुठे मस्ती करतो ते…”, अदाणींचा उल्लेख करताच भाजपा आमदार विधानसभेत आक्रमक; वर्षा गायकवाडांबरोबर खडाजंगी
Sharad pawar on loksatta agralekh
“मी फक्त लोकसत्ताचा अग्रलेख वाचला”, अजित पवारांच्या ‘त्या’ पत्रावरून शरद पवारांचा खोचक टोला, काय लिहिलंय अग्रलेखात?

लव्हस्टोरी आणि हॉरर या दोन्ही जॉनरचा अनोखा मिलाफ असणाऱ्या ‘सांग तू आहेस का’ या मालिकेविषयी सांगताना शिवानी म्हणाली, “रमाबाईंची भूमिका खूपच वेगळी होती. मालिकेची सांगता झाल्यानंतर सांग तू आहेस का मधील वैदेहीच्या भूमिकेसाठी जेव्हा मला विचारणा झाली तेव्हा मी लूक बदलला. लूक बदलल्यानंतर ती व्यक्तिरेखा सापडायला मदत होते असं मला वाटतं. वैदेही ही व्यक्तिरेखासुद्धा खूपच वेगळी आहे. प्रोमोमध्ये दिसणारा थ्रीलरचा फील प्रत्येक एपिसोडमध्ये जपला जाणार आहे. विशेष म्हणजे ही एक रोमॅण्टिक स्टोरी सुद्धा आहे. त्यामुळे मला काम करताना खूप छान वाटतं आहे.”

ही नवी मालिका ७ डिसेंबरपासून रात्री १० वाजता स्टार प्रवाह वाहिनीवर प्रेक्षकांच्या भेटीला येणार आहे.