अभिनेता संजय दत्त मराठी सिनेमाची निर्मिती करणार आहे. याबाबत ट्विटरवर ट्विट करत संजय दत्तने माहिती दिली आहे. संजय दत्तने या मराठी सिनेमातील एक फोटोही ट्विट केला आहे. या सिनेमाचे नाव अद्याप ठरलेले नाही. या सिनेमात दीपक डोब्रियाल, नंदीता धुरी, अभिजित खांडकेकर, स्पृहा जोशी यांच्या या सिनेमात भूमिका आहेत. अभिषेक बच्चन, प्रियंका चोप्रा यांच्या पाठोपाठ आता मराठी सिनेमाच्या निर्मितीत संजय दत्तनेही पुढाकार घेतला आहे. या सिनेमाचे शुटिंग सुरु आहे असेही कळते आहे. आता हा सिनेमा कोणता असणार आणि कसा असणार आणि त्याचे नाव काय असणार याची उत्सुकता ताणली गेली आहे. संजय दत्त प्रॉडक्शन्स तर्फे या सिनेमाची निर्मिती केली जाते आहे. या सिनेमाचे दिग्दर्शन राजू गुप्ता करतो आहे अशीही माहिती समोर आली आहे.