काही दिवसांपूर्वी बॉलिवूड अभिनेता आमिर खानला करोनाचा संसर्ग झाल्याची माहिती समोर आली होती. त्यापाठोपाठ बॉलिवूड अभिनेता आर माधवनला देखील करोनाचा संसर्ग झाल्याचे समोर आले. माधवनने सोशल मीडियावर ३ इडियट्स या चित्रपटाचे पोस्टर शेअर करत मजेशीर पोस्ट लिहिली होती. या पोस्टवर आता अभिनेता शर्मन जोशीने उत्तर दिले आहे.

आर माधवनने त्याच्या ट्विटर अकाऊंटवर ‘फरहानने नेहमीच रँचोला फॉलो केले आहे आणि व्हायरस नेहमी आमच्या मागेच असतो. पण त्याने आम्हा दोघांनाही पकडले आहे. पण ऑल इज वेल आणि आम्ही लकरच बरे होऊ. ही अशी जागा आहे जिकडे राजू पोहोचू नये असे आम्हाला वाटते’ या आशयाचे मजेशीर ट्वीट करत ३ इडियट्समधील पोस्टर शेअर केले होते.

PHOTOS: आर माधवनचे मुंबईमधील आलिशान घर एकदा पाहाच

आता शर्मन जोशीने आर माधवनला भन्नाट उत्तर दिले आहे. ‘मला आशा आहे की मी तुमच्या क्लबमध्ये सामील होणार नाही… पण मॅडी तू खान लिहिलं आहेस. फनी आहे’ या आशयाचे ट्वीट शर्मन जोशीने केले आहे. त्यावर आर माधवनने उत्तर देत ‘हाहाहा… हो भाई. तू सुरक्षित आणि निरोगी रहा’ असे म्हटले आहे.

देशावर पुन्हा एकदा करोनाचं संकट घोंगावू लागलं आहे. पहिल्या लाटेवर मात केल्यानंतर परिस्थिती पूर्वपदावर येत असतानाच करोनाच्या दुसऱ्या लाटेनं थैमान घातलं आहे. महाष्ट्रासह देशातील अनेक राज्यांत करोना रुग्णांची संख्या वेगानं वाढत आहे.