News Flash

गर्भलिंगनिदान प्रकरण : शाहरूख खानला पालिकेची ‘क्लिन चिट’

आपल्या प्रत्येक मोठय़ा चित्रपटाच्या प्रदर्शनाआधी हमखास वादाच्या भोवऱ्यात सापडण्याची कला अवगत असलेल्या शाहरूख खानने या वेळीही एक मोठा वाद ओढवून घेण्याची तयारी केली आहे. शाहरूख

| June 19, 2013 03:39 am

आपल्या प्रत्येक मोठय़ा चित्रपटाच्या प्रदर्शनाआधी हमखास वादाच्या भोवऱ्यात सापडण्याची कला अवगत असलेल्या शाहरूख खानने या वेळीही एक मोठा वाद ओढवून घेण्याची तयारी केली आहे. शाहरूख आणि त्याची पत्नी गौरी यांना तिसरे अपत्य होणार असून हे अपत्य ‘सरोगेट मदर’ तिच्या पोटात वाढवत आहे, ही बातमी सर्वश्रुत आहे. या वेळी शाहरूखने गर्भलिंगनिदान चाचणी केल्याचे वृत्त सोमवारी प्रसिद्ध झाले. त्यानंतर आता मुंबई महापालिकेच्या आरोग्य विभागातील अधिकाऱ्यांनी शाहरूखला क्लिन चिट दिली आहे.
भारतात गर्भलिंगनिदान चाचणी हा गुन्हा आहे. मात्र शाहरूखने आपल्या बाळाचे लिंगनिदान थेट ट्विटरवर जाहीर केल्यानंतर खळबळ उडाली. याबाबत शाहरूख दोषी आढळल्यास त्याच्यावर कारवाई केली जाईल, असेही पालिकेने सोमवारी जाहीर केले. मात्र मंगळवारी पालिकेच्या आरोग्य अधिकाऱ्यांनी या प्रकरणाची चौकशी करत शाहरूखला क्लिन चिट दिल्याची माहिती पालिका सूत्रांनी दिली.
‘चेन्नई एक्सप्रेस’ या आपल्या महत्त्वाकांक्षी चित्रपटाच्या प्रदर्शनाआधी हा वाद सुरू झाल्याने हे शाहरूखने मुद्दामच केल्याची चर्चा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2013 3:39 am

Web Title: sharukh khan get clean chit in sex determination
Next Stories
1 शाहरूख खान प्रथमच मराठी गाण्याच्या व्हिडिओत
2 बॉलीवुडमध्ये काम करण्यास आवडेल- जॅकी चॅन
3 अनुष्का शर्मा करणार सलमान खानबरोबर रोमांस?
Just Now!
X