बॉलिवूड अभिनेता शेखर सुमनच्या आईचे निधन झाले आहे. त्यांनी गुरुवारी, १७ जून रोजी अखेरचा श्वास घेतला. शेखर सुमनने ट्विटरद्वारे आईच्या निधनाची माहिती दिली आहे. या ट्वीटमध्ये त्याने 'मला अनाथ आणि उद्ध्वस्त झाल्यासारखे वाटत आहे' असे म्हटले आहे. त्याच्या या ट्वीटवर अनेकांनी कमेंट करत श्रद्धांजली वाहिली आहे. 'माझी आई, तिच्यावर माझे सर्वात जास्त प्रेम होते. ती आम्हाला सोडून गेली. मला अनाथ आणि उद्ध्वस्त झाल्यासारखे वाटत आहे. तुम्ही सर्वांनी केलेल्या मदतीसाठी तुमचे आभार' असे शेखर सुमनने ट्वीटमध्ये म्हटले आहे. My belovedMother whom I loved the most in this world left for her heavenly abode yday.i feel orphaned and devastated.Thank you Ma for being there for all of us all the time.i will miss you till my last breath. Thank you all for your prayers and blessings — Shekhar Suman (@shekharsuman7) June 18, 2021 १६ जून रोजी शेखर सुमनने एक ट्वीट कर आई लवकर बरी व्हावी यासाठी प्रार्थना करणाऱ्या सर्वांचे आभार मानले होते. 'माझी आई लवकरात लवकर बरी व्हावी यासाठी तुम्ही सर्वांनी केलेल्या प्रार्थनांसाठी तुमचे आभार' असे शेखर सुमनने ट्वीट करत म्हटले होते. Thank you each one of you for sending your prayers for my mother's forever indebted — Shekhar Suman (@shekharsuman7) June 16, 2021 त्याआधी त्याने आईचा फोटो शेअर करत प्रकृती खालावली असल्याचे सांगितले होते. त्यानंतर चाहत्यांनी शेखर सुमनची आई लवकरात लवकर बरी व्हावी यासाठी प्रार्थना केली होती. पण १७ जून रोजी शेखर सुमनच्या आईचे निधन झाले. अनेक कलाकारांसोबतच चाहत्यांनी देखील कमेंट करत शेखर सुमनच्या आईला श्रद्धांजली वाहिली आहे.