मागील काही दिवसांपासून वादाच्या भोवऱ्यात सापडलेल्या आरे कॉलनीतील मेट्रो कारशेडच्या बांधकामात अडथळा ठरणारी २ हजार २३८ झाडे अखेर कापण्यात येणार आहेत. या निर्णयाविरोधात संताप व्यक्त करण्यासाठी नागरिकांनी आंदोलन सुरू केले आहे. तर, नागरिकांच्या या आंदोलनामध्ये बॉलिवूड अभिनेत्री श्रद्धा कपूर देखील सहभागी झाली आहे. श्रद्धा कपूर आंदोलनात सहभागी झाल्याचा व्हिडिओ सध्या सोशल मीडियावर व्हायरल होत आहे. या व्हिडिओमध्ये श्रद्धा 'ही झाडे आमची, नाही कुणाच्या बापाची' असा नारा लगावताना दिसत आहे. तसेच, यावेळी श्रद्धा पांढऱ्या रंगाच्या टी-शर्टमध्ये दिसत असून तिच्या टी-शर्टवर 'सेव आरे' असा मजकूरही लिहिल्याचे दिसत आहे. श्रद्धा कपूरने तिच्या इन्स्टाग्राम अकाउंटवरदेखील या आंदोलनाचे काही फोटो शेअर केले आहेत. हे फोटो शेअर करत तिने 'मेट्रो बांधकामसाठी २७०० हून अधिक वृक्ष तोडण्यात आले आहेत. आम्हाला हे मान्य नाही. आधीच आपल्याकडे पर्यावरणासंबंधीत खूप समस्या आहेत आणि त्यातच आमच्या फुफ्फुसांचा नाश करण्याची परवानगी देण्यात आली आहे. झाडे तोडणे थांबवा' असे कॅप्शन दिले आहे. श्रद्धाच्या या पोस्टवर अनेकांनी कमेंटही केल्या आहेत. श्रद्धाचे पर्यावर प्रेम पाहून चाहत्यांना आनंद झाला आहे. View this post on Instagram Trying to do my bit. Went live on my insta sometime back to show you all how so many people have come together to stand up against this. 2700+ trees are slated to be chopped down for the Metro. Unacceptable. Shocking. As if we don’t have enough environmental issues already. As if Mumbai doesn’t have enough pollution already. And permission is granted to chop off the lungs of the city. This HAS TO STOP. #SAVEAAREY #TRYYOURBITFORTHEENVIRONMENT @aareyforest A post shared by Shraddha (@shraddhakapoor) on Sep 1, 2019 at 12:56am PDT यापूर्वी मराठी अभिनेत्री प्राजक्ता माळी या आंदोलनात सहभागी झाली होती. तिने ‘मेट्रो-३ फक्त निमित्त, पुढे तिथे बाजारीकरण होऊन सिमेंटची जंगलं उभारणार.. ही खरी भीती आहे,’ म्हणत आंदोलनाचा व्हिडिओ शेअर केला होता.