केंद्रिय मंत्री आणि पूर्वीच्या अभिनेत्री स्मृती इराणी यांच्या लग्नाचा आज वाढदिवस. २००१ साली त्यांनी जुबीन इराणी यांच्याशी लग्नगाठ बांधली. त्यांच्या या खास दिवशी निर्माती एकता कपूरने त्या दोघांनाही शुभेच्छा दिल्या आहेत तर स्मृती यांनी आपल्या पतीसाठी एक खास पोस्ट लिहिली आहे. त्यांनी आपल्या इन्स्टाग्राम अकाऊंटवरून एक छोटीशी क्लीप शेअर केली आहे, ज्यात त्यांचे पतीसोबतचे फोटो आहेत आणि बॅकग्राऊंडला एक सुंदर गाणं आहे. या क्लीपमध्ये त्यांचे आयुष्यातल्या वेगवेगळ्या टप्प्यावरचे फोटो आहेत. आजवरचा त्या दोघांचा प्रवास या क्लीपमध्ये मांडण्यात आला आहे. हा व्हिडिओ शेअर करत त्यांनी लिहिलं आहे, "मैत्रीची, धमाल करण्याची आणि रोमांचकारी २० वर्षे." View this post on Instagram A post shared by Smriti Irani (@smritiiraniofficial) एकता कपूरनेही स्मृती आणि त्यांचे पती यांचा एक जुना फोटो शेअर करत या दोघांना शुभेच्छा दिल्या आहेत. त्याचबरोबर "हॅप्पी ऍनिव्हर्सरी लव्ह बर्ड्स" असं कॅप्शनही त्याला दिलं आहे. View this post on Instagram A post shared by Erkrek (@ektarkapoor) आपल्या पतीला उद्देशून केंद्रिय मंत्री स्मृती इराणी लिहितात, "मी ही गोष्ट स्वीकारली आहे की माझ्यासोबत कोणी सहजा सहजी राहू शकत नाही. मी कुणी सामान्य गृहिणी नाही. मी कायम माझ्या स्वप्नांच्या मागे धावत राहिले. पण या दरम्यान तू ही जबाबदारी घेतली की कोणत्याही प्रकारची कोणाचीही गैरसोय होऊ नये. मी तुझे आभार मानू शकते का?" या पोस्टसोबत एकता कपूरचीही पोस्ट व्हायरल होत आहे आणि त्याला भरपूर लाईक्स मिळत आहेत.