बॉलिवूडमधील प्रसिद्ध गायिका सोना मोहापात्रा सोशल मीडियावर प्रचंड सक्रिय असल्याचे पाहायला मिळते. तिचे ट्विट सतत सोशल मीडियावर चर्चेचा विषय ठरतात. आता सोना तिच्या एका म्युझिक व्हिडीओमुळे चर्चेत आहे. नुकताच सोनाने या संदर्भात एक ट्विट केले आहे. या ट्विटमध्ये लोकं तिला कशा प्रकारे ट्रोल करत आहेत या विषयी तिने सांगितले आहे. सोनाचा नुकताच 'हीरे हीरे' हा म्युझिकल व्हिडीओ प्रदर्शित झाला आहे. या व्हिडीओमध्ये तिने परिधान केलेल्या कपड्यांवरुन तिला ट्रोल केले जात आहे. "सोशल मीडियावरील माझ्या नवीन गाण्याच्या व्हिडिओवर अनेक लोक कमेंट करत आहेत. ते कमेंट करत मला सांगत आहेत की मी मीटू चळवळीमध्ये जे काही भाष्य केले त्यावर त्यांचा विश्वास नाही. कारण मी विचित्र कपडे परिधान करते आणि खोटं बोलत आहे असे त्यांना वाटते" अशा आशयाचे ट्विट सोनाने केले आहे. Many comments on my latest music video on social media telling me about how they disbelieve my @IndiaMeToo call outs considering I wear such vulgar clothes & am likely to be ‘lying’ & possibly the kind of woman who likes men to misbehave with her apart from other BS.. pic.twitter.com/bpVkrlqhGl — Sona Mohapatra (@sonamohapatra) December 5, 2020 While I mostly delete or block such comments, here are some that just came in & I took screenshots of. The chaps don’t even make sense in the way they write? pic.twitter.com/rXP9KCDtAZ — Sona Mohapatra (@sonamohapatra) December 5, 2020 दुसर्या ट्विटमध्ये सोना महापात्रा म्हणाली,"अशा अनेक कमेंट्स मी डिलीट करते किंवा कमेंट करणाऱ्या लोकांना ब्लॉक करते. त्यातल्या काही कॉमेंट्सचे मी स्क्रिनशॉट काढले आहेत. लोकांनी ज्याप्रकारे कमेंट केल्या आहेत त्यातून लोकांना काही कळत नाही असे मला वाटत आहे."