बॉलिवूड अभिनेत्री सोनाक्षी सिन्हा सोशल मीडियावर मोठ्या प्रमाणावर सक्रिय असल्याचे पाहायला मिळते. ती सतत चाहत्यांशी संवाद साधताना दिसते. अनेकदा तिला ट्रोलिंगचा सामना देखील करावा लागतो. नुकताच सोनाक्षीने बॉलिवूड अभिनेता सुशांत सिंह राजपूतच्या आत्महत्येवर ट्विट केले. या ट्विटमुळे तिला पुन्हा सोशल मीडियावर ट्रोल करण्यात आले आहे.

सोनाक्षीने ट्विटमध्ये एका प्राण्याचे उदाहरण दिले आहे. ‘एखाद्या प्राण्याशी लढण्यासाठी आपल्याला चिखलात उतरावे लागते. त्यामुळे आपले कपडे खराब होतात आणि तो प्राणी त्या चिखलात मजा घेत असतो ही सर्वात मोठी समस्या आहे’ असे तिने ट्विटमध्ये म्हटले आहे.

सोनाक्षीने हे ट्विट करताच तिला सोशल मीडियावर मोठ्य प्रमाणावर ट्रोल करण्यात आले.

एका यूजरने तिला, आता सत्य बाहेर येत आहे तर यांना त्रास होत आहे. तर दुसऱ्या एका यूजने किती चुकीचे ट्विट केले आहे असे म्हणत सुनावले आहे. सध्या सोशल मीडियावर सोनाक्षीला प्रचंड ट्रोल करण्यात येत आहे.