14 November 2018

News Flash

Photos: आजारपणातील सोनालीचा हा मेकओव्हर तुम्हाला आवडेल!

या फोटोंसोबतच तिने भावनिक आणि तितकाच प्रेरणादायी मेसेजसुद्धा लिहिला आहे.

सोनाली बेंद्रे

अभिनेत्री सोनाली बेंद्रे कॅन्सरवरील उपचारासाठी सध्या न्यूयॉर्कमध्ये आहे. हाय ग्रेड कॅन्सरचं निदान झाल्याची माहिती सोनालीने स्वत: ट्विटरच्या माध्यमातून दिली होती. त्याचप्रमाणे कॅन्सरशी झुंज देण्यास सज्ज असल्याचंही तिने ट्विटरवरील पोस्टमध्ये लिहिलं होतं. कलाकार आणि चाहत्यांकडून तिला आधार मिळतच आहे. नुकतंच सोनालीने इन्स्टाग्रामवर काही फोटो पोस्ट केले आहेत. या फोटोंसोबतच तिने भावनिक आणि तितकाच प्रेरणादायी मेसेजसुद्धा लिहिला आहे.

एक व्हिडिओसुद्धा सोनालीने इन्स्टाग्रामवर पोस्ट केला आहे, ज्यामध्ये ती एका नवीन लूकमध्ये पाहायला मिळत आहे. तिचा हा मेकओव्हर तुम्हालाही नक्की आवडेल.

सोनालीने लिहिलेली पोस्ट-

‘माझी आवडती लेखिका इसाबेल अलेंदेच्या Isabel Allende शब्दांत… आपल्यातील छुपी शक्ती दाखवण्यासाठी जोपर्यंत भाग पाडलं जात नाही, तोपर्यंत आपण किती शक्तिवान आहोत हे कळतच नाही. दु:खद क्षणांमध्ये, युद्धाच्या काळात किंवा अत्यंत निकडीच्या वेळी लोकांकडून चमत्कारिक गोष्टी घडतात. माणसाची जगण्याची आणि काहीतरी नवीन करण्याची क्षमता अद्भुत आहे.’

View this post on Instagram

In the words of my favourite author Isabel Allende, “We don't even know how strong we are until we are forced to bring that hidden strength forward. In times of tragedy, of war, of necessity, people do amazing things. The human capacity for survival and renewal is awesome.” The outpouring of love I’ve received in the last few days has been so overwhelming… and I’m especially grateful to those of you who shared stories of your experiences in dealing with cancer, whether it was your own or of loved ones. Your stories have given me an extra dosage of strength and courage, and more importantly, the knowledge that I’m not alone. Each day comes with its own challenges and victories and so for now, I’m taking this #OneDayAtATime. The only thing I’m trying to be consistent about is maintaining a positive outlook… literally #SwitchOnTheSunshine – it’s my way of dealing with this. Sharing my journey is also part of this process… I can only hope it reminds you that all is not lost and that someone, somewhere understands what you’re going through. 🤞🌞 Thank you @tomoarakawa for making this a chic transition from long to short!

A post shared by Sonali Bendre (@iamsonalibendre) on

‘गेल्या काही दिवसांपासून लोकांकडून मिळत असलेलं प्रेम पाहून मी गहिवरले आहे. ज्यांनी स्वत:चे किंवा आप्तेष्टांचे कॅन्सरशी लढा देतानाचे विविध अनुभव माझ्यासोबत शेअर केले त्यांची मी फार आभारी आहे. यामुळे मला प्रेरणा आणि शक्ती मिळत आहे. त्याहूनही अधिक मी या लढ्यात एकटी नाही याची जाणीव मला झाली आहे.’

‘प्रत्येक दिवशी एक नवीन आव्हान आणि नवीन विजयाला मी सामोरी जात आहे. या प्रवासात माझा सकारात्मक दृष्टिकोन कायम ठेवण्याचा मी प्रयत्न करत आहे. माझा प्रवास तुमच्यासोबत शेअर करणं हासुद्धा त्याचाच एक भाग आहे. आपण सर्व काही गमावलं नसून कुठेतरी, काहीतरी असं आहे जे तुमची साथ देत आहे, हेच मला जाणवत आहे.’

 

First Published on July 10, 2018 2:46 pm

Web Title: sonali bendre on dealing with cancer says each day comes with its own challenges and victories