18 September 2020

News Flash

सलमानच्या ‘दबंग टूर’दरम्यान विना परवाना गाणी वाजवल्याप्रकरणी गुन्हा

सलमान खान, कतरिना कैफ, सोनाक्षी सिन्हा आणि प्रभूदेवा यांच्या उपस्थितीत पुण्यात हा कार्यक्रम पार पडला होता.

सलमान खान

अभिनेता सलमान खानच्या उपस्थितीत पुण्यात पार पडलेल्या ‘दबंग टूर’ कार्यक्रमादरम्यान विना परवाना काही गाणी वाजवल्याप्रकरणी गुन्हा दाखल करण्यात आला आहे. याप्रकरणी मोहम्मद सय्यद या व्यक्तीने हिंजवडी पोलीस ठाण्यात तक्रार दिली असून फसवणुकीचा गुन्हा दाखल करण्यात आला आहे. या कार्यक्रमाला सलमानसोबतच कतरिना कैफ, सोनाक्षी सिन्हा, दिग्दर्शक आणि कोरिओग्राफर प्रभू देवा यांनीदेखील हजेरी लावली होती.

पोलिसांच्या माहितीनुसार, २४ मार्च रोजी बालेवाडीच्या क्रीडा संकुलात हा कार्यक्रम पार पडला होता. त्यावेळी यशराज, इरॉस, झी म्युझिक या कंपनीची काही गाणी विना परवाना वाजवण्यात आली होती. फोरपिलर्स इव्हेन्ट मॅनेजमेंट सर्व्हिसेस प्रा.लि. या कंपनीने गाण्यांचा परवाना घेण्यासाठी नोवेक्स कंपनीला तीन लाख रुपये देण्याचे ठरले होते. तीन लाख रुपयांचा धनादेशसुद्धा नोवेक्स कंपनीला देण्यात आला होता. मात्र हा धनादेश न वटल्याने फोरपिलर्स कंपनीने फसवणूक केल्याचा गुन्हा दाखल करण्यात आला आहे.

फोरपिलर्स कंपनीचे संचालक समीर दिनेश आणि व्यवस्थापक मनीष यांच्याविरोधात हिंजवटी पोलीस स्थानकात गुन्हा दाखल करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2018 8:28 pm

Web Title: songs played without permission in salman khan dabangg tour programme fir registered in pune
Next Stories
1 पिंपरी- चिंचवड पोलीस आयुक्तालयाला हिरवा कंदील
2 राष्ट्रवादीपेक्षा शिवसेना कार्यकर्त्यांना भाजपात आणा, गिरीश बापटांचा सल्ला
3 भ्रष्टाचाराचे आरोप खोटे निघाल्यास मला कुठेही फाशी द्या, धनंजय मुंडेंचे सरकारला आव्हान
Just Now!
X