बॉलिवूड अभिनेता सोनू सूदने लॉकडाउनमध्ये अडकलेल्या स्थलांतरित मजुरांना त्यांच्या घरी पोहोचवण्यास मदत केली होती. अनेक कामगारांनी सोशल मीडियाद्वारे त्याच्याकडे मदत मागितली होती. तसेच अनलॉक प्रक्रिया सुरु झाल्यानंतरही त्याने अनेकांना मदत केली आहे. सध्या सोशल मीडियावर सक्रिय असलेल्या सोनू सूदने आईसोबतचा एक फोटो शेअर करत भावनिक पोस्ट लिहिली आहे. सोनू सूदच्या आईचा २१ जुलै मंगळवार रोजी वाढदिवस होता. आईच्या आठवणीमध्ये त्याने इन्स्टाग्रामवर एक फोटो शेअर केला आहे. हा फोटो शेअर करत त्याने 'आई तुला वाढदिवसाच्या खूप शुभेच्छा! तू मला ज्या प्रकारे मार्गदर्शन केले तसेच संपूर्ण आयुष्यभर करत रहा. मला तुझ्याशी बोलायची इच्छा आहे. माझे तुझ्यावर किती प्रेम आहे हे तुला सांगायची इच्छा आहे. पण माझा विश्वास आहे तू जिकडे कुठे आहेस तिकडे तुला माझी आठवण येत असेल. तू मला आयुष्याभर मार्गदर्शन करत रहा..' असे सोनू सूदने म्हटले आहे. View this post on Instagram Happy birthday Maa.just keep guiding me always the way you have been doing all my life. Wish I could give you a tight hug and tell you how much I love you..but I am sure you must be missing us where ever you are. Life will never be the same but be my guiding angel always till I see you again maa. Miss you A post shared by Sonu Sood (@sonu_sood) on Jul 20, 2020 at 9:36pm PDT सोनू सूदची ही पोस्ट सध्या सोशल मीडियावर तुफान व्हायरल झाली आहे. अनेकांनी लाईक्स आणि कमेंटचा वर्षाव केला आहे. बऱ्याच वेळा सोनू सूद त्याच्या आई- वडिलांचे फोटो सोशल मीडियावर शेअर करताना दिसतो.