स्पॉट फिक्सिंग प्रकरणात सहभागी असलेला भारतीय गोलंदाज श्रीसंथ एका मल्याळम चित्रपटात काम करणार असून चित्रपटाचे चित्रीकरण लवकरच सुरु करण्यात येणार आहे. स्पॉट फिक्सिंगच्या आरोपाखाली त्याला दिल्ली पोलिसांनी अटक केली होती. मात्र, जामिनावर सुटलेल्या श्रीसंथने आपल्याला नेहमीच चित्रपटात काम करण्याची इच्छा असल्याचे सांगितले. तसेच, चित्रपटात काम करणे आव्हानात्मक असल्याचेही तो म्हणाला. या चित्रपटाचे तात्पुरते ' बिग पिक्चर' असे नाव ठरले असून बालचंद्र कुमार याचे दिग्दर्शन करणार आहे.श्रीसंथने मल्याळम गीतकार कैथपरम दामोदरनच्या चित्रपटात अतिथी कलाकार म्हणून भूमिका केली होती. पण, स्पॉट फिक्सिंग घोटाळ्यामुळे त्याची भूमिका असलेली दृश्ये चित्रपटातून वगळण्यात आली.
