मराठी सिनेमातील एक नावाजलेले नाव म्हणजे अभिनेता सुबोध भावे. सध्या सोशल मडियाबरोबरच चाहत्यांमध्ये चर्चा आहे ती सुबोधच्या ‘…आणि डॉ. काशिनाथ घाणेकर’ या आगामी सिनेमाची. या सिनेमाच्या दोन्ही ट्रेलरला प्रेक्षकांचा चांगलाच प्रतिसाद मिळाला आहे. ट्रेलरमुळे आणि बड्या कलाकारांची मांदीयाळी असल्याने या सिनेमाबद्दलची चाहत्यांची उत्सुकता वाढली आहे. सुबोधने याच सिनेमाच्या निमित्ताने साकारलेल्या छत्रपती संभाजी महाराजांच्या वेशभूषेतील एक फोटो ट्विट केला आहे.
सुबोधने ट्विट केलेल्या फोटोमध्ये कपाळी चंद्रकोर, गळ्यात मोत्यांच्या माळा आणि गडद लाल रंगाचा सदरा अशी वेशभूषा असलेला संभाजी महाराजांच्या भूमिकेतील फोटो ट्विट केला आहे. हा फोटो ट्विट करताना सुबोध म्हणतो, “डॉ. काशिनाथ घाणेकरांनी साकारलेली ‘रायगडाला जेव्हा जाग येते’ या नाटकातील ‘छत्रपती संभाजी महाराजांची’ भूमिका ही त्यांची अजरामर भूमिका. तो प्रसंग चित्रपटात साकारण्याआधी स्वतःच्या मनाची तयारी (करताना). छत्रपती संभाजी महाराजांच्या आशिर्वादानेच हे आव्हान पेलणं शक्य झालं.”
डॉ. काशिनाथ घाणेकरांनी साकारलेली “रायगडाला जेव्हा जाग येते” या नाटकातील “छत्रपती संभाजी महाराजांची” भूमिका ही त्यांची अजरामर भूमिका .
तो प्रसंग चित्रपटात साकारण्या आधी स्वतःच्या मनाची तयारी..
छत्रपती संभाजी महाराजांच्या आशिर्वादानेच हे आव्हान पेलणं शक्य झालं#8nov pic.twitter.com/flmj44C6Zh— Subodh Bhave (@subodhbhave) October 15, 2018
गंभीर मुद्रेतला संभाजी महाराजांच्या भूमिकेतील सुबोधचा फोटो नेटकऱ्यांच्या पसंतीस पडला आहे हे ट्विटखाली आलेल्या कमेन्टमधूनच दिसून येते.
भूमिका वेगळ्या उंचीवर नेऊन ठेवाल
दादा खुपच उत्सुक आहे चित्रपट पहायला.. तुम्ही साकारलेली प्रत्येक भूमिका वेगळ्याच उंचीवर जाऊन पोहचते.
त्यांनी भूमिका अजरामर केली तुम्ही कराल…
निळ्या डोळ्यांचा संभाजी म्हणुन सगळेच बोलत असताना त्यांनी ही भूमिका अजरामर केली…. तशीच तुम्ही सुद्धा कराल सुबोध जी खात्री आहे… असे एक एक फोटो शेअर करून उत्सुकता ताणली जात आहे… एकदा करा बघू release…
— Anagha modak (@ModakAnagha) October 15, 2018
तुम्ही कोणतीही भूमिका साकारु शकता…
तुमच्या या अभिनयाला बघण्याची आतुरता आहे खूप. आणि सर तुम्हाला कोणतीही भूमिका करणं शक्य नाही असं होणार नाही.#AniDrKashinathGhanekar
— Rupali More (@RupaliMore748) October 15, 2018
मराठी प्रेक्षकांना ज्या नावाने अक्षरश: वेड लावले होते, ज्यांनी मराठी रसिकांना तिकीटबारीवर खेचून आणलं होतं, ज्यांच्या प्रवेशानेच टाळ्यांच्या कडकडाटात नाट्यगृहे दणाणून जात होती असे मराठी रंगभूमीचे नटश्रेष्ठ डॉ. काशिनाथ घाणेकर चित्रपटाच्या रुपाने प्रेक्षकांच्या भेटीला येणार आहेत. सुबोध भावेसोबतच चित्रपटात सुमीत राघवन, सोनाली कुलकर्णी यांच्याही भूमिका आहेत. या चित्रपटाचे दिग्दर्शन अभिजीत देशपांडे यांनी केले आहे. १९६० च्या दशकावर आधारीत असलेल्या ‘आणि काशिनाथ घाणेकर’मध्ये या अभिनेत्याचा उदय आणि अस्त दाखविण्यात येणार आहे. दिवाळीच्या मुहूर्तावर ८ नोव्हेंबर रोजी हा चित्रपट प्रदर्शित होणार आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on October 15, 2018 1:38 pm
Web Title: subodh bhaves looks as sambhaji maharaj in ani dr kashinath ghanekar
