लोकेश राहुल हा सध्या भारतीय संघात सलामीवीराची भूमिका बजावतो आहे. विश्वचषक स्पर्धेत ऑस्ट्रेलियाविरुद्ध सामन्यात शिखर धवनला झालेल्या दुखापतीनंतर लोकेश राहुलला सलामीच्या जागेवर बढती दिली. दरम्यान राहुलचे नाव एका बॉलिवूड अभिनेत्रीसह जोडण्यात आले आहे. सध्या त्या दोघांच्या नात्याची जोरदार चर्चा सुरु आहे. सूत्रांनी दिलेल्या माहितीनुसार राहुल अभिनेता सुनील शेट्टीची मुलगी अथिया शेट्टीला डेट करत असल्याचे म्हटले जात आहे. रोहित आणि अथिया फेब्रुवारी महिन्यापासून ऐकमेकांना डेट करत असल्याच्या देखील चर्चा आहे. त्या दोघांची कॉमन फ्रेंड आकांक्षा रंजनने नुकताच सोशल मीडियावर अथिया आणि राहुलसोबतचा फोटो शेअर केला आहे. या फोटोमुळे त्यांच्या नात्यांच्या चर्चांना दुजोरा मिळाला आहे. तसेच अथिया आणि राहुल यांची ओळख देखील आकांक्षामुळे झाल्याचे म्हटले जात होते. या फोटोवर अथिया काय कमेंट करते या कडे लक्ष लागले आहे. यापूर्वीही अनेक बॉलिवूड कलाकरांची नावे भारतीय क्रिकेट संघातील क्रिकेटपटूंसह जोडण्यात आली होती. त्यातील विराट कोहली अनुष्का शर्मा, युवराज सिंग आणि हेजल कीच, जहीर खान आणि सागरिका घाडगे या जोड्या विवाहबंधनात देखील अडकल्या.
