28 September 2020

News Flash

‘सुपर डान्सर महाराष्ट्र’ स्पर्धक जिज्ञासा लवकरच प्रभू देवासोबत करणार काम

मुंबईची जिज्ञासा आपल्या अनपेक्षित प्रश्नांनी परीक्षकांना पेचात पाडत आहे तर आपल्या नृत्यकौशल्याने त्यांच्याकडून कौतुकाची थापदेखील मिळवत आहे.

जिज्ञासा भोई

महाराष्ट्राच्या कानाकोपऱ्यातून निवडलेल्या स्पर्धकांमध्ये ‘सुपर डान्सर महाराष्ट्र’ होण्यासाठी चांगलीच चुरस रंगली आहे. या सगळ्याच स्पर्धकांमध्ये नृत्यकौशल्याबरोबरच अजूनही काही कौशल्य आहेत ज्यामुळे हे एकमेकांपेक्षा वेगळे ठरत आहेत. यांचं हेच वेगळेपण परीक्षकांसोबतच प्रेक्षकांना ही भावत आहे. आपल्या नावाला साजेसं असंच वेगळेपण जपणाऱ्या जिज्ञासाला आजूबाजूला घडणाऱ्या गोष्टी जाणून घेण्याची उत्सुकता आहे. ९ वर्षांची जिज्ञासा परीक्षकांनाही कोड्यात पाडेल असे प्रश्न सतत विचारत असते.

अवघ्या ३ वर्षात नृत्याला सुरूवात करणारी मुंबईची जिज्ञासा भोई तिचे गुरू प्रशांत दळवी यांच्यासोबत स्पर्धेत सहभागी झाली आहे. ती मंचावर आली की आज जिज्ञासा कोणत्या गाण्यावर परफॉर्म करणार यापेक्षा आज जिज्ञासा मंचावर येऊन कोणते प्रश्न विचारणार आणि आपण त्याला काय उत्तर देणार याचा विचार परीक्षक करत असतात. जिज्ञासा मंचावर येताना तगडी प्रश्नावली घेऊन येते ज्याने परीक्षकांच्याही नाकीनऊ येतं. त्यामुळे जिज्ञासाला आता ‘अनपेक्षित जिज्ञासा’ हे नाव आपसूक पडलंय आणि हे परीक्षकांनादेखील पटलंय. जिज्ञासा प्रभू देवा यांच्या आगामी ‘लक्ष्मी’ चित्रपटात महत्त्वाच्या भूमिकेत दिसणार आहे.

मुंबईची जिज्ञासा आपल्या अनपेक्षित प्रश्नांनी परीक्षकांना पेचात पाडत आहे तर आपल्या नृत्यकौशल्याने त्यांच्याकडून कौतुकाची थापदेखील मिळवत आहे. सुपर डान्सर महाराष्ट्र या मनोरंजनाच्या कार्यक्रमात लवकरच एका विशेष थीमच्या माध्यमातून विशेष नृत्य पाहायला मिळणार आहे आणि ती खास थीम म्हणजे ‘महाराष्ट्राचे लोकनृत्य’. ही खास थीम असलेल्या विशेष भागात गायक आनंद शिंदे यांची प्रमुख उपस्थिती असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 15, 2018 3:31 pm

Web Title: super dancer maharashtra contestant jidnyasa bhoi to appear in prabhu deva movie
Next Stories
1 ‘लग्नाआधीच नेहा गरोदर असल्याचं कुटुंबीयांना सांगितलं तेव्हा..’
2 #DeepVeer : फोटोंसाठी आणखी किती प्रतीक्षा?; मीम्सद्वारे नेटकऱ्यांनी उडवली खिल्ली
3 स्मृती इराणींना दीपिका-रणवीरच्या लग्नाच्या फोटोंची उत्सुकता, रोनित रॉयचं हटके उत्तर
Just Now!
X