सूर नवा ध्यास नवा छोटे सुरवीर कार्यक्रमातील आपल्या सगळ्यांचे लाडके सूरवीर नव्या वर्षाचे स्वागत करण्यास सज्ज आहेत. त्यांच्या सुरेल गाण्यांनी हे सूरवीर नव्या वर्षाचे स्वागत आणि सरत्या वर्षाला एक सुरेल नजराणा देणार आहेत. कलर्स मराठीवरील या खास भागाचे विशेष म्हणजे त्यामध्ये एलीमनेट झालेले स्पर्धकदेखील सहभागी होऊन कार्यक्रमाची रंगत वाढवणार आहेत. आपल्या सगळ्यांचा लाडका हर्षद नायबळ यामध्ये मॉनिटर म्हणजेच “DJ” बनणार आहे. हा भाग नवीन वर्षाच्या १ आणि २ जानेवारीला प्रदर्शित होणार आहे. 'भाई – व्यक्ती की वल्ली' या चित्रपटाची टीम या मंचावर उपस्थित राहणार आहे. यामध्ये महेश मांजरेकर, सुनील बर्वे, इरावती हर्षे, विद्याधर जोशी, सचिन खेडेकर आणि सागर देशमुख यांचा सहभाग असेल. या न्यू ईयर स्पेशल भागामध्ये गाणी तर रंगणारच आहेत पण, काही हटके पारितोषिके देखील देण्यात येणार आहेत. सर्वोत्कृष्ट पालक पुरस्कार, पालकांचे पालक पुरस्कार, लेट लतीफ पुरस्कार, सर्वोत्कृष्ट पीजे मार खा पुरस्कार, नखरेल ड्रामा क्वीन पुरस्कार, सर्वोत्कृष्ट हावभाव पुरस्कार, शक्तिमान पुरस्कार अशी त्यांची नावे आहेत. आता या पुरस्कारांचे मानकरी कोण ठरणार हे तुम्हाला ३१ डिसेंबरच्या भागामध्ये कळणार आहे. तेंव्हा बघायला विसरू नका सूर नवा ध्यास नवा छोटे सुरवीर या कार्यक्रमाचा न्यू इयर स्पेशल भाग ३१ डिसेंबर रोजी रात्री ९.३० पासून ३ दिवस फक्त कलर्स मराठीवर.
