28 September 2020

News Flash

“… त्यामुळे यात काहीतरी चुकीचं वाटतंय”; बिहारच्या पोलीस महासंचालकांचा मुंबई पोलिसांवर आरोप

"आयपीएस अधिकाऱ्याला जबरदस्तीनं केलं क्वारंटाइन"

अभिनेता सुशांत सिंह राजपूत आत्महत्या प्रकरण चौकशीमुळे चर्चेचं केंद्र ठरलं आहे. पाटणामध्ये गुन्हा दाखल झाल्यानंतर बिहार पोलिसांनी या प्रकरणाचा तपास सुरू केला. दरम्यान, चौकशीसाठी आलेल्या पोलीस अधीक्षकांना क्वारंटाइन करण्यात आलं. त्यावरून बिहार पोलिसांकडून मुंबई पोलिसांवर आरोप केले जात आहे. बिहारचे पोलीस महासंचालक जी. पांडे यांनीही मुंबई पोलिसांच्या तपासावर संशय व्यक्त केला आहे.

आणखी वाचा- सुशांतच्या बँक खात्यातून ५० कोटी रुपये काढले गेले, याबाबत मुंबई पोलीस गप्प का?- बिहारचे पोलीस महासंचालक

सुशांत सिंह चौकशी प्रकरणी एएनआयशी बोलताना जी. पांडे म्हणाले,”त्यांनी जबरदस्तीनं आयपीएस अधिकाऱ्याला क्वारंटाइन केलं आहे. जर महाराष्ट्र सरकारला त्यांच्या पोलिसांचा अभिमान वाटत असेल, तर आम्हाला सांगावं, सुशांतसिंह राजपूतच्या मृत्यूनंतर ५० दिवसांमध्ये काया केलं?, आमच्यासोबतच्या संवादाचे सगळे मार्ग मुंबईकडून (मुंबई पोलिसांकडून) बंद करण्यात आले आहेत. त्यामुळे यात काहीतरी चुकीचं आहे, हेच सूचित होतं,” असा आरोप पांडे यांनी केला आहे.

आणखी वाचा- सुशांत सिंह राजपूत आत्महत्या प्रकरणाच्या तपासासाठी मुंबईत आलेल्या IPS अधिकाऱ्याला सक्तीने केलं क्वारंटाइन

आणखी वाचा- सुशांत सिंह राजपूत आत्महत्या; बिहार सरकारकडून सीबीआय चौकशीची शिफारस

अभिनेता सुशांत सिंह राजपूतने १४ जून रोजी वांद्रे येथील घरात गळफास घेऊन आत्महत्या केली होती. त्यानंतर वेगवेगळ्या शंका उपस्थित करण्यात आल्या. त्यामुळे मुंबई पोलिसांनी या प्रकरणाचा तपास सुरू केला होता. दरम्यान, सुशांतच्या वडिलांनी काही दिवसांपूर्वी पाटणा पोलिसांत फिर्याद दिली. अभिनेत्री रिया चक्रवर्ती विरोधात आत्महत्येला प्रवृत्त केल्याचा आरोप केलेला आहे. सुशांतच्या वडिलांनी फिर्याद दिल्यानंतर बिहार पोलिसांनी तपास सुरू केला असून, मुंबई पोलिसांकडून सहकार्य केलं जात नसल्याचा आरोपही केला जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 4, 2020 11:10 am

Web Title: sushant singh rajput case bihar dgp pandey allegations on mumbai police bmh 90
Next Stories
1 “सुशांतने आम्हाला मोठी स्वप्न बघायला शिकवलं पण रिया आली आणि…”
2 अमूलच्या कार्टूनसाठी पैसे घेतल्याचा आरोप करणाऱ्याला बिग बींचं सडतोड उत्तर
3 ‘अर्णब गोस्वामीसारख्या खलनायकाविरुद्ध आवाज उठवा’; राम गोपाल वर्माचा शाहरुख, सलमानला सल्ला
Just Now!
X