15 August 2020

News Flash

‘या’ कारणासाठी सुशांतच्या बहिणीची पुन्हा एकदा होणार पोलीस चौकशी

सुशांतच्या आत्महत्येप्रकरणी पोलिसांनी आतापर्यंत ३४ जणांचा जबाब नोंदवला आहे.

सुशांत सिंह राजपूत

अभिनेता सुशांत सिंह राजपूतच्या आत्महत्येप्रकरणी मुंबई पोलीस पुन्हा एकदा सुशांतची बहिणीला चौकशीसाठी बोलावणार आहेत. सुशांत आणि अभिनेत्री रिया चक्रवर्ती यांच्या नातेसंबंधाबद्दल अधिक जाणून घेण्यासाठी ते बहिणीला दुसऱ्यांदा चौकशीसाठी बोलावणार आहेत. ‘टाइम्स नाऊ’ने यासंदर्भातील माहिती दिली. सुशांतच्या आत्महत्येप्रकरणी पोलिसांनी आतापर्यंत ३४ जणांचा जबाब नोंदवला आहे.

सुशांतच्या बहिणीसोबतच त्याच्या स्वयंपाक्यालाही पुन्हा एकदा चौकशीसाठी बोलावण्यात येणार आहे. आत्महत्येच्या दोन दिवस आधी सुशांत कसा होता आणि त्याने काय काय केलं, याबद्दल पोलिसांना जाणून घ्यायचं आहे. सुशांतची बहिणी आणि स्वयंपाक्याची याआधीही चौकशी झाली होती. त्याचसोबत रिया चक्रवर्ती, महेश शेट्टी, दिग्दर्शक संजय लीला भन्साळी, मुकेश छाबडा यांचीही चौकशी झाली.

१४ जून रोजी सुशांतने मुंबईतल्या राहत्या घरी गळफास घेऊन आत्महत्या केली. त्याच्या आत्महत्येचं नेमकं कारण अद्याप समजू शकलं नाही. मुंबई पोलीस याप्रकरणी कसून तपास करत आहेत. रिया आणि सुशांत रिलेशनशिपमध्ये होते असं म्हटलं जातं. सुशांतचं रियासोबत नातं कसं होतं हे पोलिसांना जाणून घ्यायचं आहे. सुशांतच्या आत्महत्येनंतर सोशल मीडियावर रियाला प्रचंड ट्रोल केलं जात आहे. तिला बलात्कार व जीवे मारण्याच्या धमक्याही येऊ लागल्या आहेत. याविरोधात तिने सायबर सेलकडे तक्रारदेखील केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2020 4:50 pm

Web Title: sushant singh rajput case mumbai police to question actors sister to know more about his personal life ssv 92
Next Stories
1 सुशांत सिंहची गर्लफ्रेंड रिया चक्रवर्तीने मागितली अमित शाह यांची मदत, म्हणाली…
2 ‘मोहम्मद द मेसेंजर ऑफ गॉड’च्या प्रदर्शनावर बंदी आणा; ठाकरे सरकारची केंद्राला विनंती
3 “खरा खेळ तर आता सुरु होईल”; स्वत:चे मार्क सांगून आर माधवनने केलं विद्यार्थ्यांचं कौतुक
Just Now!
X