बॉलिवूड अभिनेत्री आणि भारताची पहिली मिस यूनिवर्स (१९९४) सुश्मिताचा आज वाढदिवस. आज ती ४१ वर्षांची झाली. सुश्मिताने १९ नोव्हेंबरच्या सकाळी आपल्या वाढदिवसाच्या दिवशी कुटुंबासोबतचे फोटो शेअर केले. या फोटोमध्ये सुश्मिता आपल्या आईसोबत शुभ्रा सेन आणि मुली रिनी आणि आलिशा यांच्यासोबत मौज मजा करताना दिसत आहे. सुश्मिताने या फोटोंना छानसे मेसेजही दिले आहेत. सुश्मिता सध्या तिच्या कुटुंबासोबत दुबईमध्ये आहे. वाढदिवसाच्या दिवशी रिनी आणि अलिशा या मुलींनी तिला सरप्राईज केकही दिला. ज्यासाठी तिने आपल्या मुलींचे आणि आईचे आभार मानले. सुश्मिताने १९९४ मध्ये जेव्हा मिस यूनिवर्स हा किताब जिंकला होता तेव्हा तिचे वय फक्त १६ वर्षे होते. २००४ मध्ये आलेला 'मैं हूं ना' या सिनेमात सुश्मिताने बॉलिवूडचा किंग शाहरुख खानसोबत काम केले होते.
