देशात आज पाच राज्यांच्या निवडणुकांचे निकाल जाहीर होणार आहेत. सध्या मतमोजणी सुरु आहे. याच संदर्भात गायक स्वानंद किरकिरे यांनी एक ट्विट केलं आहे. हे ट्विट मोठ्या प्रमाणावर व्हायरल होत आहे. अनेकांनी हे ट्विट रिट्विटही केलं आहे. आपल्या ट्विटमध्ये स्वानंद म्हणतात, "फक्त आकडे..तिकडे मृत्युंचे तर इकडे जागांचे! रोज लाजेने मान खाली घालत लढणाऱ्या डॉक्टर,नर्सेसचेही आकडे कुठेतरी असतीलच!" सिर्फ़ आँकड़े इधर मौत के उधर सीटों के . कहीं तो होंगे आँकड़े शर्म से झुकते सरों के रोज़ जूझते लड़ते नर्सों डाक्टरों के — Swanand Kirkire (@swanandkirkire) May 2, 2021 त्यांच्या या ट्विटवर अनेकांनी कमेंट्स केल्या आहेत. संगीतकार, गायक विशाल दादलानीनेही त्यांचं हे ट्विट रिट्विट केलं आहे. त्यावर एक युजर म्हणतो, ज्यांना लाज वाटायला हवी ते तर आता आमदार खरेदी करत आहेत. आणखी वाचा- West Bengal Election 2021 Result Live Updates: ममतांचे द्विशतक, तर भाजपाची १०० पार करतानाही दमछाक पश्चिम बंगाल, तामिळनाडू, केरळ, आसाम आणि पुद्दुचेरी या पाच राज्यांच्या विधानसभा निवडणुकांचे निकाल आज लागणार आहेत. देशभरात एकीकडे करोनाचं मोठं संकट सुरू असताना राजकीय वर्तुळात आज या निकालांची चर्चा आहे.