'तारक मेहता का उल्टा चष्मा' या लोकप्रिय मालिकेत गोगीची भूमिका साकारणारा अभिनेता समय शाहला काही गुंडांनी जीवे मारण्याची धमकी दिली. याआधीही दोन वेळा काही गुंडांनी घराजवळ येऊन धमकी दिल्याचा खुलासा त्याने केला. याप्रकरणी बोरीवली पोलीस ठाण्यातत्याने तक्रार दाखल केली असून एक सीसीटीव्ह फुटेज सोशल मीडियावर व्हायरल होत आहे. समयच्या घराजवळ कधी एक गुंड तर कधी गुंडांचा ग्रुप मिळून त्याला शिवीगाळ करायचे आणि त्याला जीवे मारण्याची धमकी द्यायचे. काही दिवसांपूर्वी समय शूटिंगहून घरी परतत असताना त्याला या गुंडांनी रोखलं आणि त्याला शिवीगाळ करू लागले. समयने पोलिसांना फोन केल्यानंतर ते तेथून पळाले. जाताना 'तुला पाहून घेऊ' अशी धमकी त्यांनी समयला दिली. View this post on Instagram A post shared by Samay Shah Fanclub (@samay.fanclub) on Oct 29, 2020 at 6:40am PDT आणखी वाचा : आईने कशी शिकवण दिली माहिती नाही, बाप म्हणून माफी मागतो- कुमार सानू धमकी देणारी लोकं कोण आहेत आणि ते असं का करत आहेत, याची काहीच माहिती नसल्याचं समयने स्पष्ट केलं. इमारतीचे काही सीसीटीव्ही फुटेज त्याने पोलिसांना सोपवले आहेत.
