‘तारक मेहता का उल्टा चष्मा’ ही मालिका छोट्या पडद्यावरील अतिशय लोकप्रिय आहे. या मालिकेतील प्रत्येक कलाकार हा चर्चेत असतो. पण बबिता आणि जेठालाल हे पात्र विशेष चर्चेत असतात. त्या दोघांमधील संवाद देखील चाहत्यांना प्रचंड आवडतात. बबिताची भूमिका साकारणाऱ्या मुनमुन दत्ताने नुकतीच एक मुलाखत दिली. या मुलाखतीमध्ये तिने मुक्या प्राण्यांवर अत्याचार करणाऱ्यांविषयी संताप व्यक्त केला आहे.

‘जे लोकं प्राण्यांवर अत्याचार करतात आणि त्यांना दूर हकलतात त्यांचा मला प्रचंड राग येतो. कोणीही मुक्या प्राण्यांना त्रास देत असेल तर ते पाहून मला वाईट वाटते. काही लोकांना समजतच नाही की ते उगाच मुक्या प्राण्यांवर अत्याचार करतात. जर आपल्यासोबत असे कोणी वर्तन केले तर आपल्याला कसे वाटेल याचा विचार करावा’ असे मुनमुन म्हणाली.

पाहा : जेठालालवर भुरळ घालणाऱ्या बबिताचा चर्चेत असलेला ग्लॅमरस लूक पाहिलात का?

त्यानंतर तिने एक इच्छा देखील व्यक्त केली आहे. ज्या प्राण्यांना मदतीची गरज आहे अशा प्राण्यांना सांभाळण्यासाठी तिचा एक फार्म हाऊस असावा अशी इच्छा तिने व्यक्त केली आहे.