'तारक मेहता का उलटा चष्मा' या लोकप्रिय मालिकेतून प्रसिद्ध झालेले अभिनेते दिलीप जोशी यांनी चाहत्यांच्या अग्रहाखातर अखेर इन्स्टाग्रामवर डेब्यू केलं आहे. त्यांनी २५ जुलै रोजी आपलं इन्स्टाग्राम अकाउंट सुरु केलं. लक्षवेधी बाब म्हणजे काही तासांत एक लाखांपेक्षा अधिक चाहत्यांनी त्यांना फॉलो करण्यास सुरुवात केली आहे. इन्स्टाग्रामवर पदार्पण करताच अभिनेत्री अंबिका राजंकर आणि पलक सिधवानी यांनी दिलीप जोशींच स्वागत केलं. दरम्यान त्यांनी आपल्या पहिल्याच पोस्टमध्ये आई आणि भावासोबतचा एक फोटो शेअर केला आहे. अवश्य पाहा - लष्करातील नोकरी सोडून या अभिनेत्रीनं केलं बॉलिवूडमध्ये करिअर View this post on Instagram Starting off with one of my most favourite memories with Baa and Bhai! A post shared by Dilip Joshi (@maakasamdilipjoshi) on Jul 25, 2020 at 2:16pm PDT अवश्य पाहा - “सुशांतच्या मृत्यूची सीबीआय चौकशी करा”; मोदींनी दिलं भाजपा खासदाराच्या पत्राला उत्तर इन्स्टाग्राम अकाउंट सुरु करताच दिलीप जोशींचं लक्ष सर्व प्रथम वळलं ते फेक अकाउंट्सवर. सोशल मीडियावर सध्या अनेक सेलिब्रिटींची फेक अकाउंट्स कार्यरत आहेत. या पार्श्वभूमीवर दिलीपजींनी एक व्हिडीओ पोस्ट करुन फेक अकाउंट्सवर भाष्य केलं. View this post on Instagram जनहित में जारी. A post shared by Dilip Joshi (@maakasamdilipjoshi) on Jul 26, 2020 at 12:19am PDT ते म्हणाले, "अकाउंट सुरु करताच हजारो चाहत्यांनी मला फॉलो करण्यास सुरुवात केली. त्या सर्वांचा मी आभारी आहे. पण तेवढ्यात माझी नजर काही फेक अकाउंटवर देखील पडली. या मंडळींनी माझ्या अकाउंटचे काही स्क्रिन शॉट घेऊन काही नवी अकाउंट्स सुरु केली आहेत. कृपया असं करु नका. ही अकाउंट्स त्वरित बंद करा अशी हात जोडून मी विनंती करतो." दिलीप जोशींनी इन्स्टाग्रामवर पोस्ट केलेला हा पहिलाच व्हिडीओ सध्या सोशल मीडियावर चर्चेत आहे.