गतवर्षा प्रदर्शित झालेल्या ‘टकाटक’ या बॉक्स ऑफिसवर यशस्वी झालेल्या सिनेमानं मराठी सिनेसृष्टीला एक गोड चेहरा दिला. या चेह-यानं एंट्रीलाच प्रेक्षकांवर मोहिनी घालत आपल्या अनोख्या अभिनयशैलीचा जलवा दाखवला आहे. ही अभिनेत्री आहे रितीका श्रोत्री. आपल्या पहिल्याच सिनेमात सर्वांचंच लक्ष वेधून घेणारी रितीका आता ‘डार्लिंग’ बनून प्रेक्षकांच्या भेटीला येणार आहे.

दिग्दर्शक समीर आशा पाटील यांनी काही दिवसांपूर्वाच आपल्या ‘डार्लिंग’ या आगामी मराठी सिनेमाची घोषणा करत लक्षवेधी मोशन पोस्टर रिलीज केलं होतं. पदार्पणातच रितीकानं केलेला अभिनय आणि आपल्या व्यक्तिरेखेला दिलेला अचूक न्याय यामुळे ‘डार्लिंग’मध्ये ती नेमक्या कोणत्या भूमिकेत दिसणार याबाबत उत्सुकता वाढली आहे. या सिनेमाच्या सोशल पेजवर एका तरूणीचा क्लॅप हाती घेतलेला परंतु चेहरा दिसत नसलेला फोटो टाकण्यात आला होता, त्यामुळे ही अभिनेत्री नेमकी कोण याबाबत सगळीकडे चर्चा रंगू लागली होती. आता या रहस्यावरून पडदा उठला आहे. रितीकाच ती अभिनेत्री असल्याचं ‘डार्लिंग’च्या साँग टिझरमध्ये पाहायला मिळत आहे. त्यामुळे रितीका प्रेक्षकांना पुन्हा एकदा एका नव्या रूपात भेटणार आहे. सुप्रसिद्ध संगीतकार चिनार-महेश यांच्या संगीताची जादू या चित्रपटाद्वारे संगीतरसिकांना अनुभवायला मिळणार आहे.

Sandhya Devanathan
व्यवसाय वाढीमध्ये ‘एआयʼची महत्त्वाची भूमिका, मेटाच्या व्यवस्थापकीय संचालक संध्या देवनाथन यांचे मत
sai tamhankar will next seen in the farhan akhtar dabba cartel
सई ताम्हणकर पुन्हा गाजवणार बॉलीवूड! ‘भक्षक’नंतर आता ‘डब्बा कार्टेल’मध्ये झळकणार, पहिली झलक आली समोर
woman mistakenly sat on another person bike instead of boyfriend funny video
तरुणी प्रियकराऐवजी अनोळखी व्यक्तीच्या गाडीवर जाऊन बसली अन् मग..विचित्र घटनेचा VIDEO
Taapsee Pannu reacts on wedding with Mathias Boe
तापसी पन्नू विदेशी बॉयफ्रेंडशी मार्चमध्ये लग्न करणार? अभिनेत्रीने चर्चांवर सोडलं मौन, म्हणाली, “मी कधीही…”

आणखी वाचा- अग्गंबाई सासूबाई : सोहमच्या बेलगाम वागण्याला आसावरी देणार चपराकीने उत्तर 

रितीकानं ‘टकाटक’ सिनेमात एक गावरान व्यक्तिरेखा साकारली होती. त्या व्यक्तिरेखेसाठी आवश्यक असलेला भाषेचा लहेजा आणि देहबोलीसोबतच तिने अभिनयातही यथोचित बदल घडवत आपली भूमिका साकारली होती. रितीकाला ‘डार्लिंग’मध्ये पुन्हा एकदा एका वेगळ्या धाटणीची भूमिका साकारण्याची संधी मिळणं हे त्याचंच फलित आहे असं म्हटलं तर चुकीचं ठरणार नाही. ‘चौर्य’, ‘यंटम’ आणि ‘वाघे-या’ या वेगळ्या वाटेनं जाणा-या सिनेमानंतर ‘डार्लिंग’च्या निमित्ताने दिग्दर्शक समीर आशा पाटील यांनी एका नवा जॉनर हाताळला आहे. या सिनेमात रितीकाचा नायक कोण असेल ते अद्याप गुलदस्त्यातच आहे.