दाक्षिणात्य अभिनेत्री तमन्ना भाटियाने अलिकडेच करोनावर यशस्वीरित्या मात केली. करोनाची लागण झाल्यामुळे तमन्ना हैदराबादमधील एका रुग्णालयात उपचार घेत होती. मात्र, करोनावर मात केल्यानंतर तिला डिस्चार्ज मिळाला असून ती घरी परतली आहे. विशेष म्हणजे घरी परतल्यानंतर तमन्ना तिच्या एका व्हिडीओमुळे चर्चेत आली आहे. रुग्णालयातून घरी परतलेली तमन्ना तिच्या डेली रुटीनकडे पुन्हा वळली आहे. तिने सोशल मीडियावर एक व्हिडीओ शेअर केला होता. या व्हिडीओमध्ये ती वर्कआऊट करताना दिसत आहे. त्यामुळे करोनावर मात केल्यानंतर तमन्ना पुन्हा तिच्या फिटनेसकडे वळल्याचं दिसून येत आहे. View this post on Instagram It's time to take baby steps and get back my stamina. This is an extremely important step after recovering from coronavirus. Keep going but make sure you listen to your body. @yogeshfitness #BackInAction #SlowAndSteady #DoItEveryday A post shared by Tamannaah Bhatia (@tamannaahspeaks) on Oct 15, 2020 at 9:47pm PDT "पुन्हा फिट होण्यासाठी मला लहान मुलांप्रमाणे हळूहळू पुढे जावं लागणार आहे. करोना विषाणूवर मात केल्यानंतर सगळ्यात महत्त्वाचं उचलेलं पाऊल. पण वर्कआऊट तितकंच करा जितकं तुमच्या शरीरासाठी गरजेचं आहे", अशी कॅप्शन तमन्नाने या फोटोला दिली आहे. दरम्यान, तमन्ना लवकरच 'बोले चुडियाँ' या चित्रपटात झळकणार आहे. या चित्रपटात तिच्यासोबत अभिनेता नवाजुद्दीन सिद्दीकी स्क्रीन शेअर करणार आहे.
