पहिल्याच चित्रपटातील अॅक्शन सीनमुळे चर्चेत राहिलेला अभिनेता म्हणजे टायगर श्रॉफ. साबीर खान दिग्दर्शित ‘हिरोपंती’ हा त्याचा चित्रपट २०१४ रोजी प्रेक्षकांच्या भेटीला आला. आता या चित्रपटाचा सिक्वेल लवकरच प्रेक्षकांच्या भेटीला येणार आहेत. या चित्रपटात टायगरसोबत अभिनेत्री तारा सुतारीया मुख्य भूमिकेत दिसणार असल्याचे समोर आले आहे. निर्माते साजिद नाडियाडवाला यांच्या 'हिरोपंती २' चित्रपटात टायगर श्रॉफ सोबत तारा दिसणार आहे. समोर आलेल्या माहितीनुसार साजिद नाडियाडवाल यांच्या चित्रपटातून अहान शेट्टी बॉलिवूडमध्ये पदार्पण करणार असल्याच्या चर्चा रंगल्या आहेत. तसेच तारा सुतारिया देखील चित्रपटातील काही सीनमध्ये दिसणार आहे असे म्हटले जात आहे. View this post on Instagram SO amped for this one.. A new journey begins with my #NGEFamily #Heropanti2 #SajidNadiadwala @tigerjackieshroff @khan_ahmedasas @wardakhannadiadwala @nadiadwalagrandson A post shared by TARA (@tarasutaria) on Oct 29, 2020 at 11:33pm PDT ‘हिरोपंती 2’ या चित्रपटाचं दिग्दर्शन अहमद खान करत असून निर्मिती साजिद नाडियाडवाला करत आहेत. हा चित्रपट १६ जुलै २०२१ मध्ये प्रेक्षकांच्या भेटीला येणार आहे. काही दिवसांपूर्वीच या चित्रपटाचे पोस्टर प्रदर्शित झाले होते. प्रदर्शित झालेल्या पोस्टरमध्ये टायगर श्रॉफने परिधान केलेले कपडे, त्याची उभं राहण्याची स्टाइल अगदी हॉलिवूड चित्रपट ‘जॉन विक’च्या पोस्टरमधील कियानू रिव्जप्रमाणे असल्याचे म्हटले जात होते. आता प्रेक्षकांमध्ये चित्रपटाबाबत उत्सुकता पाहायला मिळते.