सोशल मीडियावर अनेक कलाकार प्रचंड सक्रिय असल्याचे पाहायला मिळते. कधी ते त्यांच्या आगामी चित्रपटाविषयी सोशल मीडियाद्वारे माहिती देतात तर कधी फोटोशूटमधील फोटो शेअर करताना दिसतात. पण कधीकधी या कलाकारांना ट्रोलिंगचा देखील सामाना करावा लागतो. असेच काहीसे अभिनेत्री तेजस्वीनी पंडितसोबत घडले आहे. पण ती तेजस्वीनी देखील शांत बसली नाही. तिने ट्रोलरला सडेतोड उत्तर दिले आहे.

नुकताच तेजस्वीनीने तिच्या इन्स्टाग्राम अकाऊंटवर बोल्ड फोटो शेअर केला आहे. या फोटोमध्ये तिने निळ्या रंगाचा वनपिस परिधान केला असून ती बेडवर बसली आहे. या लूकमध्ये तेजस्वीनी छान दिसत आहे. हा फोटो शेअर करत तिने ‘A Chameleon Soul’ असे कॅप्शन दिले आहे. तिचा हा फोटो सोशल मीडियावर तुफान व्हायरल झाला आहे. अनेकांनी या फोटोवर लाइक आणि कमेंटचा वर्षाव केला. पण काहींनी तिला ट्रोल केले.

एका ट्रोलरने कमेंट करत तेजस्वीनीला ट्रोल केले आहे. त्याने कमेंट करत ‘जेव्हा पुरस्कारांची वेळ येते तेव्हा सोबर फोटो टाकायचे आणि बाकीच्या वेळेस हे असे…’ असे म्हटले आहे.

ही कमेंट पाहून तेजस्वीनी देखील शांत बसली नाही. तिने ट्रोलरला सडेतोड उत्तर दिले आहे. ‘बाकी वेळेस हे असे म्हणजे कसे? आणि मी अभिनेत्री आहे… दोन्ही दिसू शकते नाही का? सोबर पण आणि तुमच्या भाषेतील अशी पण’ असे तेजस्वीनीने कमेंटमध्ये म्हटले आहे.