प्रेक्षकांनी भरभरून प्रतिसाद दिलेल्या ‘The Jungle book’ चित्रपटाचा मेकींग व्हिडिओ डिन्सेकडून प्रदर्शित करण्यात आला आहे. एका घनदाट जंगलात घेतलेली सुसाट धाव आणि प्राण्यांसोबत केलेले सर्व सीन हे मोगलीने नेमके कसे केले, याचे रहस्य या व्हिडिओच्या माध्यमातून उलघडते. चित्रपटात मोगलीची भूमिका चिमुकल्या नील सेठीने साकारली आहे. मोगलीचे मानवी पात्र सोडले तर या संपूर्ण चित्रपटात फक्त प्राणीच आहेत. मात्र, चित्रीकरणादरम्यान एकही प्राणी सेटवर नव्हता. ग्राफीक्स आणि व्हीएफएक्सच्या साहाय्याने ‘जंगल बुक’चे चित्रीकरण करण्यात आले आहे. मेकींग व्हिडिओचा देखील चित्रपटाइतकाच थक्क करणारा आहे.
दरम्यान, चित्रपटाला भारतात चांगला प्रतिसाद मिळत असून, चित्रपटाची भारतातील कमाई १६० कोटींच्या पुढे गेली आहे. ८ एप्रिल रोजी हा चित्रपट भारतात प्रदर्शित झाला होता.