भारतीय चित्रपट आता केवळ बॉक्स ऑफीसवरचं नाही तर आंतरराष्ट्रीय बाजारातही चांगली कमाई करत आहेत. भारतीय चित्रपटांच्या कमाईत अमेरिकेचाही एक महत्त्वपूर्ण सहभाग आहे. अशाच एका छोट्या भारतीय चित्रपटाने अमेरिकेत स्वत:ची छाप पाडली आहे. बॉक्स ऑफिसने दिलेल्या आकडेवारीनुसार, `द लंचबॉक्स` चित्रपटाने अमेरिकेत २७ लाख डॉलरची कमाई केली आहे. या चित्रपटाचा रितेश बत्रा दिग्दर्शक असून, गुनीत मोंगा आणि अनुराग कश्यप निर्माता आहे. `द लंचबॉक्स` चित्रपटाने इंग्लिश विंग्लिश १९ लाख डॉलर्स, अग्निपथने १९ लाख डॉलर आणि क्रिश-२चा २२ लाख डॉलर हा रेकॉर्ड तोडला आहे.
