News Flash

राजेश-रेशमनंतर ‘बिग बॉस मराठी’च्या घरातील हे ‘लव्हबर्ड’ चर्चेत

'बिग बॉस मराठी २'च्या घरात फुलतेय या दोघांची प्रेमकथा?

भांडण, वादविवाद, मैत्री, अफेअर या सगळ्या गोष्टींमुळे ‘बिग बॉस’ हा रिअॅलिटी शो चर्चेत असतो. ‘बिग बॉस मराठी’च्या पहिल्या सिझनमध्ये राजेश श्रृंगारपुरे आणि रेशम टिपणीस या दोघांच्या अफेअरच्या जोरदार चर्चा झाल्या. त्यानंतर आता दुसऱ्या सिझनमध्येही एक प्रेमकहाणी फुलताना दिसतेय.

‘बिग बॉस मराठी २’च्या घरातील लव्हबर्ड्स म्हणजे पराग कान्हेरे आणि रुपाली भोसले. रूपाली आणि पराग यांचं घरातील वावरणं पाहून सदस्यांनाही यांच्यात काहीतरी शिजत असल्याची चुणूक लागली आहे. सिझनच्या दुसऱ्या दिवसापासूनच या दोघांची चांगली मैत्री झाली. परागनं गार्डनमध्ये बसून गप्पा मारताना त्याच्या भूतकाळाविषयी, जोडीदारासोबत घटस्फोटाविषयी सांगितलं. त्यानंतर रुपाली नेलपॉलिश लावत गप्पा मारत असताना परागनं ती बाटली हातात घेत तिच्या पायांना नेलपॉलिश लावून दिलं.

वाचा : नाटकाचं तिकिट काढलं म्हणजे तुम्ही विकत घेतलं का आम्हाला?- सुमीत राघवन

घरात रंगणाऱ्या टास्कमध्येही पराग आणि रुपालीची मैत्री दिसून येते. नॉमिनेशन टास्क सुरू होण्यापूर्वी परागला रुपाली म्हणाली, ‘तू माझ्यावर प्रेम करू शकतोस किंवा माझा तिरस्कार करू शकतोस. पण मला टाळू शकत नाहीस.’ यावर परागने उत्तर दिलं, ‘मी तुझा तिरस्कार कधीच करू शकत नाही. पण तुझ्यावर प्रेम करण्याचा प्रयत्न मात्र मी नक्कीच करू शकतो.’

इतकंच नव्हे तर रुपालीला नॉमिनेशन टास्कपासून वाचवण्यासाठी तो वैशाली म्हाडेला विनंती करताना दिसतो. नॉमिनेशन टास्कमध्ये जर त्याने नेहाला वाचवलं तर वैशालीनं रुपालीला वाचवायचं अशी डीलसुद्धा त्याने केली. यावेळी तो ‘तेरी दोस्ती, मेरा प्यार’ असं म्हणाला. त्यामुळे आता नॉमिनेशन टास्कमध्ये काय होणार आणि सर्वांत पहिला कोणता स्पर्धक घराबाहेर पडणार हे पाहणं औत्सुक्याचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2019 4:59 pm

Web Title: this is rumored love bird from bigg boss marathi season 2
Next Stories
1 ‘ट्रोलिंगला घाबरून लग्न झाल्याचा आनंद साजरा करायचा नाही का?’ प्रियांकाचा सवाल
2 ’83’ चित्रपटासाठी कपिल देव यांच्याकडून रणवीला ‘ही’ खास भेट
3 Bigg Boss 2 : वीणा-वैशालीमध्ये उडणार वादाचा भडका
Just Now!
X