क्रिकेटर विराट कोहली आणि अभिनेत्री अनुष्का शर्मा यांच्या घरात चिमुकल्या पाहुणीचं आगमन झालं आहे. अनुष्काने सोमवारी ११ जानेवारी रोजी दुपारी मुलीला जन्म दिला. विराटने स्व:त ही माहिती सोशल मीडियाच्या माध्यमातून चाहत्यांना दिली आहे. आता त्यांच्या मुलीचं नाव काय असेल असा प्रश्न त्यांच्या चाहत्यांसमोर आहे. डीएनएनं दिलेल्या वृत्तानुसार विराट आणि अनुष्काच्या मुलीचं नाव बाबा अनंत महाराज ठेवणार आहेत. विशेष गोष्ट म्हणजे, विराट आणि अनुष्का यांच्या आयुष्यातील निर्णयासंदर्भात महाराज अनंत यांचे नाव पहिल्यांदाच समोर आलेले नाही. या दोघांनी या आधी देखील महाराज अनंत यांच्याकडून सल्ले घेतले आहेत. त्यांच्या लग्नाशी संबंधीत असो किंवा त्यांच्या घर घेण्याच्या संबंधीत असो ते नेहमीच महाराजांचा सल्ला घेतात. View this post on Instagram A post shared by Vikas Kohli (@vk0681) आणखी वाचा- विरूष्काच्या मुलीचा First Photo आला समोर अनुष्का आणि बाळाची प्रकृती चांगली असून सध्या त्यांच्या खासगी आयुष्याचा आदर केला जावा, अशी विनंती विराजने सोशल मीडियाद्वारे केली. त्यानंतर विराट-अनुष्काच्या मुलीचा पहिला फोटोदेखील समोर आला. कोहली कुटुंबातील सर्वच सदस्य या नवीन पाहुणीच्या आमगमाने खूपच आनंदात आहे. विराटचा भाऊ म्हणजेच बाळाच्या काकाने इन्स्टाग्रामवरुन विराट-अनुष्काच्या मुलीचा फोटो शेअर करत आनंद व्यक्त केला आहे.
