झी मराठी वाहिनीवरील 'तुला पाहते रे' मालिकेत राजनंदिनी या भूमिकेची एण्ट्री काही दिवसांपूर्वी झाली. अभिनेत्री शिल्पा तुळस्कर राजनंदिनीची भूमिका साकारत आहे. गेल्या काही महिन्यांपासून या भूमिकेची जोरदार चर्चा होती. त्यामुळे राजनंदिनीच्या एण्ट्रीने मालिकेला चांगलाच टीआरपी मिळवून दिला. इतकंच नव्हे तर गुगलवरही शिल्पा तुळस्करविषयीचा सर्च वाढू लागला. शिल्पाने आजवर अनेक चित्रपट आणि मालिकांमध्ये काम केलं आहे. 'दिल मिल गए', 'संजीवनी', 'लेडिज स्पेशल' यांसारख्या मालिकांमध्ये तिने भूमिका साकारली आहे. सोशल मीडियावरही ती सक्रीय असते. शिल्पाचे लग्न झालेले असून तिला दोन मुलं आहेत. शिल्पाचा ऑफस्क्रीन पती हा सुबोध भावेलाही टक्कर देण्याइतका हँडसम आहे असं म्हणायला हरकत नाही. सोशल मीडियावरील त्याचे फोटो पाहून तुम्हीसुद्धा थक्क व्हाल. विशाल शेट्टी असं शिल्पाच्या पतीचं नाव असून विवान आणि शैवा अशी त्यांच्या मुलांची नावं आहेत. विशाल व्यावसायिक असून शिल्पाच्या इन्स्टाग्रामच्या प्रोफाईलमध्ये ती अनेकवेळी तिच्या पतीसोबतचे फोटो पोस्ट करते. 'तुला पाहते रे' मालिकेच्या शीर्षकगीतातही शिल्पाला पाहिलं गेलं. त्यामुळे तिच्या भूमिकेची प्रेक्षकांना उत्सुकता होतीच. आता मालिकेत तिच्या येण्याने मालिकेची लोकप्रियता आणखीनच वाढली आहे.
