छोट्या पडद्यावरचा अभिनेता पार्थ समथान कमी वेळाच भरपूर प्रसिद्ध झाला. डेलिसोपमध्ये काम करत करत तो घराघरात पोहोचला. लवकरच आता तो मोठ्या पडद्यावरही दिसणार आहे. त्याच्या या चित्रपटात त्याच्यासोबत अभिनेत्री आलिया भट दिसणार आहे.

पार्थने आपल्या बॉलिवूड पदार्पणाबद्दल माहिती दिली आहे. टाईम्स ऑफ इंडियाच्या वृत्तानुसार, पार्थ या वर्षाच्या उत्तरार्धात चित्रपटाच्या चित्रीकरणाला सुरुवात करेल. पार्थ असंही म्हणाला की आऊटसाईडर असल्याने ही त्याच्यासाठी एक मोठी संधी असेल जी त्याला गमवायची नाही.

पार्थ आलियासोबत संजय लीला भन्साळी यांच्या ‘गंगूबाई काठियावाडी’ या चित्रपटात दिसणार अशी चर्चा होती. मात्र त्याबद्दल कोणतीही ऑफिशियल माहिती मिळाली नाही. पार्थने ‘पिहरवा’ हा चित्रपट साईन केल्याचं कळत आहे ज्यात आलियाही दिसणार आहे.

पार्थने २०१४ साली एमटीव्हीच्या ‘कैसी ये यारिया’ या मालिकेतून आपल्या करियरला सुरुवात केली होती. त्याच्या या मालिकेतून त्याला प्रसिद्धी मिळाली. त्यानंतर त्याने एका चित्रपटासाठी छोट्या पडद्यावरुन विश्रांती घेतली. या चित्रपटाचं चित्रीकरणही सुरु होतं. पण तो चित्रपट प्रदर्शित होऊ शकला नाही. २०१८ मध्ये त्याने एकता कपूरच्या ‘कसौटी जिंदगी की’ या मालिकेत काम केलं. त्यामुळे त्याला सर्वाधिक प्रसिद्धी मिळाली.