छोट्या पडद्यावरील लोकप्रिय अभिनेत्री दिशा परमार हिला करोनाची लागण झाली आहे. दिशाने इन्स्टाग्रामच्या माध्यमातून ही माहिती दिली. दिशाला करोनाची लागण होण्याच्या १० दिवसांपूर्वी तिच्या आईची चाचणीदेखील पॉझिटिव्ह आली होती. "असं म्हटलं जातं की वाईट वेळ कधी, कोणत्या क्षणी येईल हे सांगता येत नाही आणि संकटकाळात सकारात्मक विचार करणं इतकंही कठीण नाही", असं म्हणत दिशाने तिला करोना झाल्याची माहिती दिली आहे. दिशाने तिला करोना झाल्याची माहिती दिल्यानंतर काही वेळातच तिने तिच्या प्रियकरासाठी राहुल वैद्यसाठी एक पोस्ट लिहिली. तसंच त्याला वाढदिवसाच्या शुभेच्छादेखील दिल्या. "खरं तर तुला प्रत्यक्षात समोर येऊन शुभेच्छा द्यायच्या होत्या. मात्र सध्या ते शक्य नाहीये. पण तुला भरपूर यश मिळो", असं म्हणत दिशाने राहुलला वाढदिवसाच्या शुभेच्छा दिल्या आहेत. View this post on Instagram HAPPPYYYY BIRTHDAY TO YOU!!! I wish the least i could do was to come and wish you but then Life happened! Nevertheless, all the happiness, all the love and all the wishes for you in Life! Only the Best! @rahulvaidyarkv A post shared by DP (@dishaparmar) on Sep 23, 2020 at 1:46am PDT दरम्यान, दिशा छोट्या पडद्यावरील लोकप्रिय अभिनेत्री आहे. तिने प्यार का दर्द है मीठा मीठा प्यारा प्यारा, वो अपना सा या गाजलेल्या मालिकांमध्ये झळकली आहे. दिशापूर्वी राजेश्वरी सचदेव आणि श्वेता तिवारीला करोनाची लागण झाल्याचं सांगण्यात येत आहे.