बॉलिवूडमधील दिग्गज अभिनेते अमिताभ बच्चन यांचे सुत्रसंचालन आणि प्रेक्षकांना खिळवून ठेवणारा फॉरमॅट यामुळे ‘कौन बनेगा करोडपती’ घराघरात पोहचले आहे. छोट्या पडद्यावरील सर्वात लोकप्रिय रिअॅलिटी शोपैकी एक असणाऱ्या या शोचं सध्या ११ वं पर्व सुरु आहे. या पर्वात पाहिला करोडपती होण्याचा मान मिळवला आहे तो आयएएस परिक्षेची तयारी करणाऱ्या सनोज राज यांनी. शुक्रवारी प्रदर्शित झालेल्या भागामध्ये सनोज यांनी एक कोटी रुपये जिंकले. एकूण १५ प्रश्नांची बरोबर उत्तरे देत ते करोडपती झाले. मात्र ७ कोटींसाठी विचारण्यात आलेल्या १६ व्या प्रश्नाचे उत्तर त्यांना येत नव्हते त्यामुळेच त्यांनी एक कोटी रुपये स्वीकारत खेळ सोडण्याचा निर्णय घेतला. असं असलं तरी ७ कोटींसाठी विचारण्यात आलेला प्रश्न खूपच अवघड होता असं मत नेटकऱ्यांनी व्यक्त केलं आहे. अमिताभ यांनी सनोज यांना सात कोटींसाठी विचारलेला प्रश्न क्रिकेटसंदर्भात होता. 'ऑस्ट्रेलियाचे महान फलंदाज डॉन ब्रॅडमन यांनी प्रथम श्रेणी क्रिकेटमधील शंभरावे शतक साजरे करताना शंभरावी धाव कोणत्या भारतीय गोलंदाजाविरुद्ध काढली होती?,' हा प्रश्न सात कोटींसाठी सनोज यांना विचारण्यात आला होता. मात्र एक कोटी रुपये जिंकलेल्या सनोज यांना या प्रश्नाचे उत्तर ठाऊक नव्हते. त्यातच त्यांनी एक कोटी जिंकल्याने त्यांना अंदाज व्यक्त करुन कमावलेले एक कोटी रुपये गमावायचे नव्हते. याच कारणामुळे सनोज यांनी खेळ सोडण्याचा निर्णय घेतला. खेळ सोडल्यानंतर सनोज यांना दिलेल्या पर्यायांपैकी तुम्ही कोणता पर्याय निवडला असता असे विचारण्यात आले. त्यावेळी त्यांनी कमंदरु रंगचारी हा पर्याय निवडला. मात्र हे उत्तर चुकीचे होते. 'ऑस्ट्रेलियाचे महान फलंदाज डॉन ब्रॅडमन यांनी प्रथम श्रेणी क्रिकेटमधील शंभरावे शतक साजरे करताना शंभरावी धाव गोलूमल किशनचंद यांच्या गोलंदाजीवर काढली होती,' असं अमिताभ यांनी सांगितले. सनोज यांनी खेळ सोडण्याचा निर्णय घेत आनंदाने एक कोटी रुपये स्वीकारले. 'मला विश्वास होत नाहीय मी एक कोटी जिंकलो आहे,' अशी पहिली प्रतिक्रिया सनोज यांनी व्यक्त केली. View this post on Instagram Amravati's Babita Tade wins Rs 1 Crore, along with all of our hearts and respect, with her heart stirring story, noble goals and outlook towards life on #KBC11, this Wed-Thurs, at 9 PM @amitabhbachchan A post shared by Sony Entertainment Television (@sonytvofficial) on Sep 14, 2019 at 4:01am PDT एकीकडे सनोज यांनी आनंद व्यक्त केला असला तरी या प्रश्नावरुन नेटकरी चांगलेच खवळलेले दिसले. अनेकांनी तर क्रिकेटचा देव म्हणून ओळखल्या जाणाऱ्या सचिन तेंडुलकरलाही या प्रश्नाचे उत्तर ठाऊक नसेल असे मत ट्विटवर व्यक्त केले. @SrBachchan Sir i think that even God of cricket @sachin_rt would not be knowing the answer to this ₹ 7 crore question. Well played Sanoj. So patient and humble guy. — Vivek Sharma (@VKsharma_) September 13, 2019 What was KBC 11's 7-crore question that wasn't answered? by, Sanoj, "Who was the Indian bowler off Raj whom Australian legend Don Bradman got a single to reach his 100th 1st class century?" What was KBC 11's 7-crore question that wasn't answered? the correct ans. was option C. pic.twitter.com/5wBW8jsrwR — sʜɪᴠsʜᴀɴᴋᴀʀ sᴀʜ (@imshivsah) September 13, 2019 सात कोटींचा प्रश्न क्रिकेटबद्दल? 7 Crore ko question from cricket !! — hRidesh (@ridesharma) September 13, 2019 7 crore question — nino (@locomomos) September 13, 2019 तर एकाने थेट समालोचक हर्षा भोगले यांनाच टॅग करुन हा सवाल विचारला. Hello Harsha Sir, I just wanna know being a cricket expert do you know the question asked by Mr. Bachchan to contestant to win 7 crore at KBC ?? @bhogleharsha @SrBachchan — shivang joshi (@joshi_shivang) September 13, 2019 दरम्यान या पर्वामधील सनोज हा पहिलाच करोडपती ठरला आहे. या हंगामामध्ये कोणी सात कोटींपर्यंत मजल मारु शकते का याकडे सर्वांचे लक्ष लागून राहिले आहे.