एस. एस. राजामौली यांच्या ‘बाहुबली’ चित्रपटाने बॉक्स ऑफिसवर मोठ्या प्रमाणावर गल्ला जमवल्यानंतर दाक्षिणात्य अभिनेता प्रभास हा विशेष प्रकाशझोतात आला. ‘बाहुबली’ चित्रपट प्रदर्शित झाल्यानंतर प्रभासच्या चाहत्यांच्या संख्येत कमालीची वाढ झाली. त्यामुळे प्रभासच्या आगामी साहो चित्रपटाविषयी त्याच्या चाहत्यांमध्ये उत्सुकता दिसून येते. याच उत्सुकतेपोटी साहो चित्रपटाच्या सेटवरील काही फोटो लीक झाले आहेत.

‘साहो’ चित्रपटाचे चित्रीकरण दुबईमध्ये सुरु असून चित्रपटाच्या सेटवरील काही फोटो लीक झाले आहेत. लीक झालेल्या फोटोवरून प्रभास चित्रपटातील महत्त्वपूर्ण दृश्य चित्रीत करत असल्याचे म्हटले जात आहे. सूत्रांनी दिलेल्या माहितीनुसार, चित्रपटातील महत्त्वपूर्ण भाग यावेळी चित्रीत केला जात असून या भागात प्रभास कोणाचा तरी पाठलाग करताना दिसत आहे. या सीनमध्येच चित्रपटात दुबईतील महत्त्वाची ठिकाणं दिसणार असल्याचेही म्हटले जात आहे.

Drug trafficker Shirazi case
अमली पदार्थ तस्कर शिराझी प्रकरण : साडेपाच कोटींच्या मालमत्तेवर ईडीची टाच
personality of jacob rothschild
व्यक्तिवेध : जेकब रोथशील्ड
dwarka pm modi
प्राचीन द्वारका नगरीच्या दर्शनातून पंतप्रधान मोदींचा अहिर समुदायाला संदेश
Kangana Ranaut
चित्रपटसृष्टीने आपल्याला अनेकदा अपमानित केले, कंगना राणावतचा न्यायालयात दावा

Latest from the sets of #Saaho! #Prabhas #ShraddhaKapoor

A post shared by FILMS AND FACTS (@filmsandfacts) on

चित्रपटाच्या निर्मात्यांनी प्रभासची लोकप्रियता पाहता या चित्रपटातील त्याचा लूक, चित्रपटाचे कथानक याविषयी गुप्तता पाळली आहे. मात्र तरीदेखील त्याचे सेटवरील काही फोटो सातत्याने लीक होत आहेत. या चित्रपटामध्ये प्रभासबरोबर अभिनेत्री श्रद्धा कपूर आणि इव्हलिन शर्मा स्क्रिन शेअर करणार आहेत.

दरम्यान, साहो चित्रपटापूर्वी ‘बाहुबली’ आणि ‘बाहुबली २’ या चित्रपटांनी बॉक्स ऑफिसवर रेकॉर्ड ब्रेक कमाई केली होती. या चित्रपटांमध्ये प्रभासह अनुष्का शेट्टी, सत्यराज आणि राणा डगुबत्ती झळकले होते. प्रभासने आतापर्यंत अनेक चित्रपटांमध्ये आपल्या अभिनयाची जादू दाखविली असून ‘साहो’ चित्रपट प्रेक्षकांच्या पसंतीस उतरतो की नाही हे तर येणारा काळच ठरवेल.