News Flash

जगण्यातला सूर ढळू न देणारा ‘सूर राहू दे’

नव्या आव्हानांना ती कशी सामोरी जाते, तिचे जगणे कसे सावरते याची सकारात्मक गोष्ट म्हणजे रमेश मोरे दिग्दर्शित 'सूर राहू दे' हा चित्रपट.

| November 22, 2013 11:07 am

मध्यमवर्गीय  कुटुंबात सुखी समाधानी आयुष्य जगणाऱ्या एका तरुणीच्या आयुष्यात घडणारी एक घटना तिच्या जगण्याचा नूरच पालटवून  टाकते, मात्र या परिस्थितीतही आत्मविश्वासाच्या जोरावर जगण्यातला सूर ती ढळू देत नाही, या नव्या आव्हानांना ती कशी सामोरी जाते, तिचे जगणे कसे सावरते याची सकारात्मक गोष्ट म्हणजे ‘सुभाषसिंग रामस्वरूप’ निर्मित रमेश मोरे दिग्दर्शित ‘सूर राहू दे’ हा चित्रपट.
श्री. परमानंद प्रॉडक्शन निर्मिती असलेल्या या चित्रपटात सध्याची लोकप्रिय अभिनेत्री स्पृहा शिरीष जोशी प्रमुख भूमिकेत असून ज्येष्ठ अभिनेत्री अलका कुबल– आठल्ये एका आव्हानात्मक भूमिकेत दिसणार आहेत. नवतारका भाविता पुंडीर या चित्रपटाद्वारे चित्रपटसृष्टीत दाखल होत असून मृणाल चेंबुरकर, अंशुमन विचारे, मंगेश सातपुते, क्षितीज झावरे यांच्याही यात भूमिका आहेत. तसेच अविनाश नारकर, उदय सबनीस हे पाहुणे कलाकार म्हणून या चित्रपटात दिसणार आहेत. चित्रपटाची कथा, पटकथा, संवाद आणि दिग्दर्शन  रमेश मोरे यांचे असून छायांकन अनिकेत खंडागळे यांचे आहे.  महेश नाईक यांनी पार्श्वसंगीत दिले आहे, तर समीर दाभोळकर यांनी कलादिग्दर्शकाची जबाबदारी पार पाडली आहे. वसंत कुबल संकलक असून यशश्री मोरे यांनी कार्यकारी निर्मातीची जबाबदारी पार पाडली आहे.
 ‘सूर राहू दे’ हा चित्रपट येत्या ६ डिसेंबरला हा चित्रपट मुंबई, पुणे, कोल्हापूर, सांगली इथे प्रदर्शित होत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 11:07 am

Web Title: upcoming marathi movie sur rahu de
Next Stories
1 फिल्मी मॉल
2 सैफ बॉलीवूड चित्रपट पाहत नाही- करिना
3 हृतिकच्या डोकेदुखीने पुन्हा डोकं वर काढलं
Just Now!
X