बॉलिवूड अभिनेत्री उर्वशी रौतेला ही कायम चर्चेत असते. उर्वशी तिच्या फोटोशूटमुळे सोशल मीडियावर कायम चर्चेत असते. पण आता एका वेगळ्या कारणासाठी उर्वशी चर्चेत आहे. या चर्चा उर्वशीने परिधान केलेल्या ड्रेसच्या किंमतीमुळे सुरु झाल्या आहेत. नवीन वर्षाचा आनंद साजरा करण्यासाठी उर्वशी दुबईमधील एका इवेंटमध्ये सहभागी झाली होती. या इवेंटमध्ये तिने केवळ १५ मिनिटे हजेरी लावली. पण या १५ मिनिटांच्या हजेरीसाठी तिने ४ कोटी रुपये मानधन घेतले असल्याचे म्हटले जाते. या कार्यक्रमात तिने लाल रंगाचा ड्रेस परिधान केला होता. हा ड्रेस लोकप्रिय ड्रेस डिझायनर मायकल सिनकोने डिझाइन केला आहे. View this post on Instagram A post shared by URVASHI RAUTELA Actor (@urvashirautela) मायकलने उर्वशीच्या या ड्रेसबाबत माहिती दिली आहे. हा ड्रेस डिझाइन करण्यासाठी जवळपास १५० तास लागले असल्याचे त्याने म्हटले आहे. तसेच या ड्रेसची किंमत जवळपास ३२ लाख रुपये असल्याचा देखील त्याने खुलासा केला आहे. View this post on Instagram A post shared by URVASHI RAUTELA Actor (@urvashirautela) असे पहिल्यांदाच झालेले नाही की उर्वशीने महागडा ड्रेस परिधान केला आहे. यापूर्वी तिने एका फोटोशूटसाठी परिधान केलेल्या ड्रेसची किंमत ५० लाख रुपये होती. तिने ‘सोल अरेबिया’ या अरबी मॅगझीनसाठी फोटोशूट केले. या मॅगझीनमधील फोटो शेअर करत ती पहिली भारतीय अभिनेत्री आहे जिचा फोटो या मॅगझीनमध्ये छापून आला आहे असे तिने म्हटले आहे.