28 September 2020

News Flash

काश्मिरी पंडितांवरील अत्याचार ३० वर्षांनी पडद्यावर, पाहा ‘शिकारा’चा ट्रेलर

आपल्याच देशात शरणार्थी झाले होते काश्मिरी पंडित

१९ जानेवारी १९९० हा देशाच्या इतिहासातील काळा दिवस होता. कारण त्या दिवशी काश्मिरी पंडितांना खोरं सोडून बाहेर जावं लागलं आणि आपल्याच देशात शरणार्थी होऊन जगावं लागलं. काश्मिरी पंडितांवर झालेला अत्याचार आता ३० वर्षांनंतर मोठ्या पडद्यावर चित्रपटाच्या माध्यमातून दाखवण्यात येणार आहे. विधू विनोद चोप्रा यांच्या ‘शिकारा’ या चित्रपटाचा ट्रेलर नुकताच प्रदर्शित झाला आहे.

चित्रपटाच्या ट्रेलर लाँच कार्यक्रमात विधू विनोद चोप्रा म्हणाले, “आज होत असलेल्या आणि ३० वर्षांपूर्वी काश्मीरमध्ये झालेल्या सर्व प्रकारच्या हिंसाचाराचा मी निषेध करतो.” जवळपास अडीच मिनिटाच्या या ट्रेलरमध्ये भावनांच्या चढउतारांमधून जाणारी प्रेमकथा आणि त्यादरम्यान काश्मीर खोऱ्यात पसरलेला हिंसाचार यावर कथा अधोरेखित करण्यात आली आहे.

आणखी वाचा : भारतीय आहेस का विचारणाऱ्याला तापसीचं सडेतोड उत्तर 

या चित्रपटाच्या माध्यमातून आदिल खान आणि सादिया हे दोघं कलाविश्वात पदार्पण करत आहेत. शिवकुमार आणि शांती या दोन भूमिका हे दोघं साकारत आहेत. सत्य घटनांवर आधारित हा चित्रपट ७ फेब्रुवारी रोजी प्रदर्शित होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 7, 2020 4:30 pm

Web Title: vidhu vinod chopra shikara movie trailer launch ssv 92
Next Stories
1 ‘या’ व्यक्तीचं नाव घेताच चिन्मयी सुमीतच्या डोळ्यात तरळलं पाणी
2 ‘हा’ ठरला वर्षातील सर्वोत्कृष्ट अभिनेता
3 हार्दिकच्या गर्लफ्रेंडला मेकअपविना ओळखणंही आहे कठीण; पाहा फोटो
Just Now!
X