दिलखेचक अदा आणि उत्तम अभिनयशैली यांच्या जोरावर प्रेक्षकांच्या मनात स्थान मिळवणारी अभिनेत्री म्हणजे जॅकलीन फर्नांडिस. सोशल मीडियावर सक्रीय असलेल्या जॅकलीनने नुकतंच तिचे सिजलिंग पोजमधील फोटो शेअर केल्याने पुन्हा एकदा चर्चेत आली आहे. तिचे हे फोटोज सध्या सोशल मिडीयावर मोठ्या प्रमाणात व्हायरल होत आहेत. या फोटोजमधील जॅकलीनचा अंदाज पाहून तिचे फॅन्स देखील घायाळ झाले आहेत. अभिनेत्री जॅकलीन फर्नांडिसने तिच्या इन्स्टाग्राम अकाउंटवरून हे फोटोज शेअर केले आहेत. या फोटोंमध्ये ती एका पेक्षा एक सिजलिंग पोज देताना दिसून आली. जॅकलीन घरात फरशीवर बसलेली आहे आणि तिने प्रिंटेड वनपीस ड्रेस परिधान केलाय. तिच्या बाजूला एक सुंदर पेटिंग देखील ठेवण्यात आली आहे. हे फोटोज शेअर करताना तिने एक कॅप्शन देखील लिहिली आहे. यात तिने लिहिलंय, "तुम्ही कोणत्याही गोष्टींतून वर येऊ शकता." जॅकलीनच्या या फोटोंना तिच्या फॅन्सकडून मोठ्या प्रमाणात पसंती मिळतेय. हे फोटो शेअर करून काही तासच झाले आहेत तरी आतापर्यत एकूण ९ लाखांपेक्षा जास्त लाइक्स मिळाले आहेत. View this post on Instagram A post shared by Jacqueline Fernandez (@jacquelinef143) हे फोटो शेअर करताना जॅकलीनने रेड हार्ट इमोजी आणि फ्लेक्सिंग बाइसेप ईमोजीचा वापर केलाय. सकारात्मक विचार आणि सगळ्यांशी आदराने वागण्याच्या स्वभाव यामुळे ती लाखो चाहत्यांची आवडती अभिनेत्री झाली आहे. जॅकलीनचे इन्स्टाग्रामवर ५१ मिलियन पेक्षा जास्त फॉलोअर्स आहेत. दुसरीकडे जॅकलीनच्या चाहत्यांनी तिच्या फोटोवर कमेंट्स करत कौतुकाचा वर्षाव केला आहे. जॅकलीनच्या वर्कफ्रंट बद्द्ल बोलायचं झालं तर लवकरच ती अभिनेता अक्षय कुमारसोबत 'बच्चन पांडे' चित्रपटात दिसणार आहे. या चित्रपटात अक्षय कुमार आणि जॅकलीन व्यतिरिक्त कृति सेनन, पंकज त्रिपाठी आणि अरशद वारसी यांच्या देखील महत्त्वाच्या भूमिका आहेत. तसंच रोहित शेट्टी दिग्दर्शित 'सर्कस' या चित्रपटात ती अभिनेता रणवीर सिंहसोबत झळकणार आहे.